Qonsalo İquainin “Çelsi”yə keçidinin detalları məlum olub

Qonsalo İquainin “Çelsi”yə keçidinin detalları məlum olub
13:22 19 Yanvar 2019
38 Digər
Ölkə mətbuatı
A- A+

Bakı. 19 yanvar. REPORT.AZ/ İtaliyanın “Milan” klubunun “Yuventus”dan icarəyə götürdüyü Qonsalo İquainin İngiltərə təmsilçisi “Çelsi”yə keçidinin detalları məlum olub.
“Report” “Football Italia”ya istinadən xəbər verir ki, londonlular 32 yaşlı hücumçunu 9 milyon avro qarşılığında cari mövsümün sonuna qədər icarəyə götürəcəklər. Həmin müddət başa çatdıqdan sonra “Çelsi”nin argentinalı forvardı “Yuventus”dan 36 milyona avroya almaq hüququ da olacaq.
Lakin “zadəganlar” irəli sürdükləri 3 şərtdən birinin reallaşacağı təqdirdə, İquaini transfer edəcəklər. “Çelsi” Premyer Liqada ilk “üçlük”də finiş etsə və argentinalı ən azı 1 qol vursa, İquain İngiltərə çempionatından ən azı 15 qol vursa və ya London klubu Avropa Liqasını qazansa, forvard isə ən azı 5 qol vursa, 36 milyonluq keçid baş tutacaq.
Qeyd edək ki, İquain cari mövsümdə A Seriyasında 15 oyuna 6 qol vurub və 1 məhsuldar ötürmə verib. “Milan” argentinalı hücumçunu ötən yay 18 milyon avroya “Yuventus”dan icarəyə götürüb. Lakin “qırmızı-qaralar” müqavilədə yer alan 36 milyon avroya birdəfəlik transfer etmək hüququndan yararlanmaq istəmirlər.

Xəbərin orijinal ünvanı: https://report.az/futbol/qonsalo-i-quainin-celsi-ye-kecidinin-detallari-melum-oldu

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR