Azərbaycanın xarici işlər naziri Elmar Məmmədyarov və
Ermənistanın xarici işlər naziri vəzifəsini icra edən Zöhrab
Mnatsakanyan arasında görüş keçirilib. Nikol Paşinyanın
Ermənistanın baş naziri postuna təyin edilib. Rusiyanın xarici
işlər naziri Sergey Lavrov Rusiyanın həmsədr ölkə olaraq Dağlıq
Qarabağ münaqişəsinin həlli istiqamətində ötən il atdığı
addımlardan danışıb.ABŞ prezidenti Türkiyəni iqtisadi zərbə ilə
təhdid edib. Ankara və Vaşinqton Suriyanın şimalında təhlükəsizlik
bölgəsinin yaradılması ilə bağlı danışıqları davam etdirir. Rusiya
sərhədləri yaxınlığında NATO-nun hərbi aktivliyinə reaksiya
verəcək. ABŞ-ın İranın ünvanına növbəti ittihamlar
səsləndirilib.
Azərbaycan, Dağlıq Qarabağ
Yanvarın 16-da Fransanın paytaxtı Paris şəhərində
Azərbaycanın xarici işlər naziri Elmar Məmmədyarov və Ermənistanın
xarici işlər naziri vəzifəsini icra edən Zöhrab Mnatsakanyan
arasında növbəti görüş keçirilib. Görüşdə ATƏT-in
Minsk qrupunun həmsədrləri İqor Popov (Rusiya) Stefan Viskonti
(Fransa), Əndrü Sxofer (ABŞ) və ATƏT-in fəaliyyətdə olan sədrinin
şəxsi nümayəndəsi Andjey Kasprşik də iştirak edib.
Putin Ermənistanı sevir, lakin bu şərtlərdə İrəvanı
titrətməyə qərar verəcəksə, onda Qarabağ geniş muxtariyyətin
təminatı şərti ilə Bakının hakimiyyəti altına qayıdacaq. Heç kəs
Azərbaycana öz ərazi bütövlüyünü bərpa etməyə mane olmayacaq.
Azərbaycan əvvəlki ölkə deyil, bu güclənmiş, fəal inkişaf edən
dövlətdir. Sadəcə, Rusiya Dağlıq Qarabağ məsələsində balansın
qalmasına kömək edir.
Bunu Beynəlxalq Avrasiyaçılıq Hərəkatının lideri, Kremlin
ideoloqu kimi tanınan rusiyalı politoloq Aleksandr Duqin
“Moskva-baku” portalına müsahibə verib.
Putindən Ermənistanı silkələyəcək QARABAĞ ADDIMI VƏ... - Kremlin ideoloqu HƏR ŞEYİ AÇDI
Rusiyanın xarici işlər naziri Sergey Lavrov
Rusiyanın həmsədr ölkə olaraq Dağlıq Qarabağ münaqişəsinin həlli
istiqamətində ötən il atdığı addımlardan da
danışıb.
Lavrovdan Qarabağ AÇIQLAMASI: Ümid edirik ki, ermənilər...
Ermənistan Baş naziri Nikol Paşinyan artıq bəyan
edib ki, o, Qarabağla bağlı danışıqlarda Dağlıq Qarabağın yox,
Ermənistanın mövqeyini təmsil edərək iştirak edəcək. O, bu prinsipə
bağlıdır. Bunu Ermənistan parlamentinin Xarici
əlaqələr komissiyasının sədri Ruben Rubinyan deyib. Onun sözlərinə
görə, Vyana və Sankt-Peterburqda əldə olunan razılaşmalar erməni
tərəfinin gündəmində qalmağa davam edəcək:
“Paşinyanla Əliyev arasındakı qeyri-rəsmi söhbət kontekstində
Düşənbədə heç bir fikir ayrılığı yoxdur. Məsələ tərəflər arasında
atəşkəs xəttində toqquşmaların aradan qaldırılmasından ibarət idi.
Bu söhbət nəticəsində İrəvan və Bakı arasında xüsusi əlaqə yarandı,
hansı ki, indiki mərhələdə gərginliyi əhəmiyyətli dərəcədə aşağı
salmağa imkan verdi”.
2019-cu ilin yazında Dağlıq Qarabağda müharibənin
başlanmasını gözləmək olar. Bu barədə “Ərik ölkəsi”
partiyasının sədri Zarui Postandjyan deyib.
Onun sözlərinə görə, bu müharibə Ermənistan ordusunda görünməmiş
korrupsiya və Nikol Paşinyanın fərasətsiz xarici siyasətinin
nəticəsi olacaq.
“Bugünkü hakimiyyət Qərblə danışıqlar aparmır, Kollektiv
Təhlükəsizlik Müqaviləsi Təşkilatında (KTMT) əsas müttəfiqlərlə
ciddi ziddiyətlərə malikdir, Rusiya ilə münasibətləri korlayır,
nəticədə qazın qiyməti artdı. Bizdə milli siyasət konsepsiyası
yoxdur. Qəribədir ki, seçki kampaniyası dövründə heç bir siyasi
partiya bu məsələyə toxunmadı. Sonuncu dəfə bu haqda 2007-ci ildə
danışılırdı, lakin o vaxtdan vəziyyət çox dəyişib”, - deyə o
bildirib.
Rusiya xarici işlər naziri Sergey Lavrov dünən
Moskvada keçirdiyi mətbuat konfransında bəyan etdi ki, 2019-cu ildə
Dağlıq Qarabağ münaqişəsinin nizama salınması prosesində irəliləyiş
gözləyirlər. Lavrov irəliləyişin konkret necə olacağını açıqlamasa
da bildirdi ki, Azərbaycanın münaqişənin həll yollarını tapmaq
hazırlığını dəstəkləmək lazımdır. O, İrəvan tərəfinin də həll
prosesinə razılaşacağına ümid etdiyini qeyd etdi. Sual yaranır:
Lavrovun gözləntiləri nə ilə bağlıdır? Burada bir
neçə versiya var.
İrəvana verilən vaxt BAŞA ÇATDI: Bakı Qarabağda HƏRƏKƏTƏ KEÇİR
“Dağlıq Qarabağ münaqişəsinin həll olunmaması təkcə
Cənubi Qafqaz regionu üçün yox, həm də bütün dünya üçün problemdir,
çünki genişmiqyaslı hərbi hərəkətlərin riski daim
yüksəlir”. Bu barədə “Vestnik Kavkaza”
nəşrinə müsahibəsində almaniyalı politoloq Andreas Umland
deyib.
Almaniyadan Qarabağla bağlı SENSASİON XƏBƏRDARLIQ: Yaxın vaxtlarda...
Ermənistan
Ermənistan prezidenti Armen Sarkisyan Nikol
Paşinyanın ölkənin baş naziri postuna təyin edilməsi haqqında
sərəncam imzalayıb. Sərəncama görə, Paşinyan 15 gün
ərzində Ermənistanın yeni hökumətini formalaşdırmalıdır. Yeni
kabinet parlamentdə təsdiqləndikdən sonra fəaliyyətə
başlayacaq.
Ararat Mirzoyan Ermənistan parlamentinin spikeri
seçilib. Mirzoyanın spiker seçilməsini parlamentin
132 deputatından 131-i dəstələyib.
Qeyd edək ki, Mirzoyan Paşinyanın rəhbərlik etdiyi Vətəndaş
Müqaviləsi Partiyasının təsisçilərindən biridir. O, 2018-ci ilin
mayından dekabrına qədər Ermənistan baş nazirinin birinci müavini
olub.
Erməni siyasi şərhçi Razmik Akopcanyan Rusiyanın bu
il Ermənistanda “dişini yoxlayacağını” iddia
edir.
Rusiya Paşinyanı YOX EDƏCƏK - Ermənistanı gözləyən dəhşətli ssenari ÜZƏ ÇIXDI
Ermənistanın “Daşnaksütyun” partiyası qurultayını
Azərbaycanın işğal edilmiş Dağlıq Qarabağ bölgəsində
keçirəcək. 16-24 yanvar tarixində keçiriləcək
qurultaya 30 ölkədən 100-dən çox qonaq dəvət olunub.
Qurultayda son 4 ildə partiyanın fəaliyyəti müzakirə olunacaq,
həmçinin, büronun yeni tərkibi seçiləcək.
Daşnakların qurultayı Dağlıq Qarabağda keçirməsi onların
parlamentə düşməsinə imkan verməyən Nikol Paşinyan hakimiyyətinə
mesaj olaraq qiymətləndirilir.
Ermənistanın keçmiş müdafiə naziri,
general-polkovnik Seyran Ohanyana qarşı 2008-ci il martın 1-2-də
ölkədəki Konstisusiya quruluşunu devirmək və kütləvi iğtişaşlar
törətməklə bağlı ittiham irəli sürülüb. Bu haqda
ölkənin Baş prokurorluğunun ictimaiyyətlə əlaqələr şöbəsinin müdiri
Harevik Xaçatryan bildirib.
“Seyran Ohanyana Cinayət Məcəlləsinin 300.1 maddəsi
(Konstisusiya quruluşunu devirmək) ilə ittiham təqdim edilib. Onun
barəsində yayayış yerini tərk etməmək barədə ehtiyat tədbiri
seçilib”, - Baş prokurorluqdan məlumat veriblər.
Qeyd edək ki, daha əvvəl analoji ittihamlar ölkənin keçmiş
prezidenti Robert Koçaryana təqdim edilib. O, hazırda
həbsdədir.
Paşinyandan HÜCUM ƏMRİ: döyüşün yeni mərhələsi BAŞLANDI
Ötən il Ermənistan ordusunun 63 hərbi qulluqçusu
müxtəlif şəraitlərdə ölüb. Bu barədə Ermənistanın Baş
Prokurorluğu məlumat yayıb.
Məlumata görə, ölənləri 27-si əsgər, 23-ü müqavilə ilə xidmət
edən hərbiçi, 11-si zabit, 2-si gizirdir.
Ölüm hallarının 38-si xidmət zamanı, 25-si xidmətdənkənar baş
verib. 11 intihar halı qeydə alınıb.
Ermənistanın Baş naziri Nikol Paşinyan yanvarın
15-dəGürcüstana qeyri-rəsmi səfər edib. Gürcüstanın
Baş naziri Mamuka Baxtadze N.Paşinyanla Bolnisi rayonunda
qeyri-rəsmi formatda görüş keçirib.
Ermənistan Müdafiə Nazirliyi Azərbaycanla sərhədin
yaxınlığında artilleriya anbarlarının tikintisi haqqında
görüntüləri dərc edib. Süjetdə raket-artilleriya
silahları üçün yeni anbarların təhlükəsizliyinin xüsusi sistemlərlə
təchiz edildiyi qeyd edilir.
“Mənbə qeyd edir ki, anbarların mövcudluğu döyüşün aparılması
üçün daha əlverişli şərait yaradaraq döyüş sursatlarının
çatdırılması vaxtını azaltmağa imkan verir. Anbarların yerləşdiyi
yeri və mühəndislik işlərinin seçimi onların təhlükəsizliyini və
maskalanmanı tamamilə təmin edir”, - erməni KİV-i bildirib.
Türkiyə, İran, Yaxın Şərq
Türkiyə Prezidenti Rəcəb Tayyib Ərdoğanın Rusiyaya
səfərinin tarixi məlum oldu. Ərdoğan yanvarın 23-də
Rusiyaya gedəcək. Türkiyə prezidentinin rusiyalı həmkarı Vladimir
Putinlə Suriya məsələsi və “S-400” zenit-raket sistemlərinin
alınması da daxil olmaqla, ikitərəfli məsələləri müzakirə edəcəyi
gözlənilir.
Suriyanın şimali-şərqində kürd qruplaşmalarının
(PYD/YPG terror təşkilatı –red.) mövqelərinə hücüm edəcəkləri
halda, Türkiyəyə iqtisadi zərbə vurulacaq. Bu haqda
ABŞ prezidenti Donald Tramp bildirib.
Tramp Türkiyəni hədələdi: Məhv edəcəyik, əgər... - SAVAŞ ÇIXARDACAQ SÖZLƏR
Türkiyə Müdafiə Nazirliyi Türkiyəni təhdid edən ABŞ
Prezidenti Donald Trampa dövlət başçısı Rəcəb Tayyib Ərdoğanın 3 il
əvvəl Tvitterdəki paylaşımı ilə cavab verib.
Nazirliyin Tvitterdəki rəsmi səhifəsi Ərdoğanın 2015-ci ildəki
məlum paylaşımını yenidən yayımlayıb.
Prezident Ərdoğan həmin paylaşımında bildirmişdi: “Bütün dünyaya
səslənirəm. Bədəli nə olursa-olsun, Suriyanın şimalında –
Türkiyənin cənub sərhədlərində yeni dövlətin qurulmasına icazə
verməyəcəyik”.
Türkiyənin xarici işlər naziri Mövlud Çavuşoğlu
təşkil etdiyi mətbuat konfransında ABŞ Prezidenti Donald Trampın
Türkiyənin ünvanına etdiyi təhdidə cavab verib. Nazir
əlaqə kanallarının açıq olduğunu və strateji tərəfdaşların sosial
şəbəkə üzərində danışmamalı olduğunu deyib.
“Bizim əlaqə kanallarımız açıqdır. Prezident Donald Tramp
prezidentimizə iki dəfə zəng edərək “Suriyadan çəkilmək istəyirik”
dedi. İki gün əvvəl dövlət katibi Maykl Pompeo ilə görüşdüm. Con
Bolton Türkiyəyə ziyarət etdi. Bizə verilmiş sənədə görə cavabımızı
ABŞ-a göndəririk”, - nazir bildirib.
Çavuşoğlu Suriyanı parçalamaq istəyən bir terror təşkilatının
olduğunu, Türkiyənin hədəfinin bu terror təşkilatı olduğunu qeyd
edib.
Çavuşoğlu Trampa Çanaqqala savaşını XATIRLATDI: Bu millət...
ABŞ prezidenti Donald Trampın Türkiyəni təhdid
etməsi gündəmdə bomba effekti yaratdı. Ağ Evin başçısı Suriyanın
şimali-şərqində kürd qruplaşmalarının (PYD/YPG terror təşkilatı
–red.) mövqelərinə hücüm edəcəkləri halda, Türkiyəni iqtisadi zərbə
ilə təhdid edib. Trampın bəyanatını şərh edən
Türkiyənin “Haber7” saytının yazarı Taha Dağlı iqtisadi təhdidin
pərdəarxasını yazıb.
Ərəb turu əsl oyunu ortaya çıxardı: Trampın Türkiyəni təhdid etməsinin PƏRDƏARXASI
Türkiyə Silahlı Qüvvələrinin Münbiç və Fərat çayının
şərqində həyata keçirməyi planlaşdırdığı əməliyyata hazırlıqlar
böyük ölçüdə tamamlanıb. 80 min hərbçi hücum əmrini
gözləyir.
Bu rəqəm, 1974-cü ildə Kipr əməliyyatında iştirak edən hərbi
qüvvədən iki dəfə çoxdur. Türkiyə Cümhuriyyəti tarixində ən böyük
əməliyyat Şanlıurfa və Kilis vilayətlərindən idarə olunacaq.
“Mehmetcik” eyni anda 10-dan çox nöqtədən hücuma keçəcək.
Hədəf təxminən 30 min kvadrat kilometr ərazini terror
təşkilatlarından təmizləyərək “terror dəhlizi” təhdidini tamamilə
aradan qaldırmaqdır.
Yanvarın 14-də axşam saatlarında ABŞ Prezidenti
Donald Tramp ilə Türkiyə Prezidenti Rəcəb Tayyib Ərdoğan arasında
telefon danışığı olub. Ərdoğan amerikalı həmkarı ilə
telefon danışıqlarının detallarını açıqlayıb.
O, Ərdoğan telefon söhbətində tarixi əhəmiyyətə sahib bir
razılaşmanın əldə edildiyinə inandığını deyib.
“Trampın sosial şəbəkədəki hesabından verdiyi bir sıra mesajlar
məni və yoldaşlarımı üzdü. Dünən faydalı bir söhbət etdik. ABŞ
prezidenti Amerika əsgərlərinin Suriyadan çəkilmə qərarını
təsdiqlədi. 20 mil enində təhlükəsiz zonanın yaradılması məsələsi
onun tərəfindən ifadə edildi. Bu da 30 kilometrdən bir qədər çox
enində olan təhlükəsiz zonadır. Suriyadakı etnik və dini fərqləri
nəzərə almadan bütün qruplara qucaq açdığımızı, PKK/YPG-nin ona
tabe olmayan bütün qruplara zülm etdiyini bildirdik. Bunların
sənədlərini də onun məsləhətçilərinə verdiyimizi söylədik”, -
Türkiyə Prezidenti Ədalət və İnkişaf Partiyasının qrup
toplantısında bildirib.
Prezident əlavə edib ki, ikitərəfli ticarət həcminin 75 milyard
dollara çıxarılması hədəfinə daha sürətli addımlarla irəliləməsi
mövzusunda razılaşıblar.
Ankara və Vaşinqton Suriyanın şimalında
təhlükəsizlik bölgəsinin yaradılması ilə bağlı danışıqları davam
etdirir. Bu barədə Türkiyənin Xarici İşlər naziri
Mövlud Çavuşoğlu danışıb.
“Hansı mövzularda fikirlərin üst-üstə düşmədiyi danışıqlardan
sonra bəlli olacaq. İki ölkənin baş qərargah rəisləri artıq
Brüsseldə danışıqlar aparıb. Onlar ABŞ qoşunlarının Suriyadan
çıxarılmasını müzakirə edib. Xarici siyasət idarələrimiz də birgə
iş aparır. Təhlükəsizlik bölgəsi dinc sakinlər və terrorla mübarizə
üçün lazımdır”, - Çavuşğlu bildirib.
ABŞ prezidenti Donald Trampın Suriyadakı qoşunları
geri çəkməsinə dair qərarında hər hansı dəyişiklik
yoxdur. Bu barədə Ağ Evin adının gizli qalmasını
istəyən rəsmisi CNN televiziyasına açıqlamasında deyib.
Bildirilib ki, proses yaxından izlənilir. Məsələnin yenidən
gündəmə gəlməsinə səbəb isə Suriyanın Münbiç şəhərində amerikalı
əsgərlərə qarşı bombalı hücumun hazırlanması hadisəsi olub. Qeyd
edək ki, hadisə nəticəsində 14 nəfər həlak olub. Onlardan 4-ü
amerikalı, 1-i PKK terrorçusu, qalanı isə dinc şəhər sakinidir.
Trampın təhdidi tarixi ”Conson məktubu”nu yada
saldı.
Trampın Türkiyəyə təhdidi 55 il öncəsini xatırlatdı: İnönü və Conson...
Hərbi baxımdan Türkiyənin qarşısına çıxa bilməyən
ABŞ yenə dollar silahını sarılır. Buna qarşı Türkiyənin İncirlik
kartını irəli sürməsi lazımdır. Bu, ABŞ-ın geri addım
atması üçün kifayətdir. Bu sözləri ABŞ prezidenti Donald Trampın
Suriyanın şimali-şərqində kürd qruplaşmalarının (PYD/YPG terror
təşkilatı – red.) mövqelərinə hücüm edəcəkləri halda, Türkiyəni
iqtisadi zərbə ilə təhdid etməsini şərh edən ekspertlər “Yeni Akit”
nəşrinə bildiriblər.
ABŞ Türkiyəyə qarşı müharibəyə BAŞLAYA BİLƏR - Dəhşətli SSENARİ AÇIQLANDI
ABŞ-ın qalmaqallı özəl hərbi şirkəti “Blackwater”in
(sonradan adını “Academy” olaraq dəyişdirib) muzdlu əsgərləri
Suriyanı tərk edən Amerika hərbçilərini əvəz edə
bilər. Bu haqda şirkətin qurucusu, Birləşmiş
Ştatların Hərbi-Dəniz Qüvvələrinin keçmiş zabiti Erik Prins “Fox
Business” kanalına müsahibəsində bildirib.
Onun sözlərinə görə, şirkətin döyüşçüləri ABŞ-ın Suriyadan
çıxmasından sonra İran təsirinə qarşı mübarizə apara bilər. ABŞ-ın
Suriyada qalmaq üçün uzunmüddətli bir strategiyanın zəruri
olmadığını ifadə edən Prins, buna baxmayaraq, ABŞ-ın müttəfiqlərdən
(YPG/PKK terror təşkilatını nəzərdə tutur – red.) imtina etməsinin
yaxşı bir fikir olmadığını söyləyib.
Türkiyə “qətliamçılar”la ÜZ-ÜZƏ GƏLƏ BİLƏR: Trampa SENSASİON TƏKLİF
Yanvarın 16-da Suriyanın Münbiç şəhərinin mərkəzində
yerləşən Kasr Əl-Umara restoranında böyük bir partlayış baş
verib. Qətərin "Əl-Cəzirə" telekanalının məlumatına
görə, partlayış nəticəsində ən azı 9 nəfər həlak olub. Xəbərdə daha
20 nəfərin yaralandığı bildirilir.
Suriya kürdləri Suriyanın şimalında bufer zona
yaratmaqla bağlı Türkiyə Prezidenti Rəcəb Tayyib Ərdoğanın
təklifini qəbul etməyib. Bu barədə AFP Suriya
kürdlərinin təmsilçisi Aldar Xəlilə istinadla informasiya
yayıb.
“Türkiyə və Suriyanın şimalı arasında ayırıcı xətt yalnız BMT
sülhməramlılarının iştirakı ilə mümkün ola bilər. İstənilən digər
variant yolverilməzdir”, - Xəlil bildirib.
“İran Yaxın Şərq və Avropanı təhdid altında
saxlayacaq qitələrarası lazerli ballistik raket arxasınca
qaçır”. Bunu ABŞ-ın dövlət katibi Mayk Pompeo
deyib.
O, İranın ötən gün kosmosa göndərdiyi və uğursuzluqla başa çatan
peyk layihəsinə işarə edərək açıqlama verib. Bildirib ki, İran
kosmik gəmi göndərməklə Birləşmiş Millətlər Təşkilatı Təhlükəsizlik
Şurasının 2231-ci qətnaməsini pozub: “Bu da İranın bir daha Yaxın
Şərq və Avropanı təhdid altında saxlamağa çalışdığını
göstərir”.
ABŞ-dan GÖZLƏNİLƏN zərbə gəldi: 2 həftə ərzində... - İran ballistik raketləri...
ABŞ prezidentinin milli təhlükəsizlik məsələləri
üzrə məsləhətçisi Con Boltonun Pentaqona İrana zərbə endirilməsi
variantlarının gözdən keçirməsini təklif etməsi haqqında məlumat
yayılmasından sonra ortaya daha bir iddia atıldı.
“Əl-Cəzirə” telekanalının aparıcısı və ABŞ-ın "The Intercept”
portalının yazarı Mehdi Həsən Boltonun Vaşinqtonun xarici
siyasətində artan təsirinə diqqət çəkərək “indi o, İranla müharibə
istəyir” deyib.
“Müharibəyə hazırlaşın!” XƏBƏRDARLIĞI EDİLDİ: Azərbaycan sərhədlərində DƏHŞƏTLİ SSENARİ
İran Suriyadakı varlığını qorumağa davam edərsə,
İsrail İrana girmək məcburiyyətində qalacaq. Bu iddia
mərkəzi Təl-Əvivdə yerləşən İNSS düşüncə qurumundan gəlib.
İsrail İrana MÜHARİBƏ ELAN EDİR - 3 cəbhədən döyüş başlayacaq
İran Suriyadan öz silahlarını və qüvvələrini
çıxarmayacaq. Bunu jurnalistlərə açıqlamasında İran
İslam İnqilabı Keşikçiləri Korpusunun (SEPAH) komandanı Məhəmməd
Əli Cəfəri deyib.
“İran Suriyada bütün hərbçi və konsultantlarını, eləcə də
silahlarını saxlayacaq. Biz bununla islami müqaviməti
gücləndirəcəyik”, - o bildirib.
ABŞ Müdafiə Nazirliyi (Pentaqon) kosmosa yeni
sistemlər yerləşdirəcək. Bu sistemlər dünya
miqyasında ballistik raketləri təsbit edəcək.
Pentaqon bunu prezident Donald Trampın vəzifəyə keçdikdən dərhal
sonra verdiyi təlimat əsasında hazırlanan Raketdən Müdafiə Analizi
Sənədinə əsasən tətbiq etdiyini bildirib.
Pentaqon Trampın tapşırığını açıqladı: İrana kosmik müharibə elan edildi
ABŞ 2020-ci ilin sonuna qədər kosmosda raketdən
müdafiə sistemlərinin yaradılışını bitirmək
niyyətindədir. Bunu jurnalistlərə açıqlamasında ABŞ
müdafiə nazirinin müavini Con Rud deyib.
“20-ci illərin əvvəllərində təcrübələr, ortalarında və sonunda
isə sistemin hazırlığını görmək mümkün olacaq.
ABŞ builki Dünya İqtisadi Forumuna
qatılmayacaq. Prezident Donald Tramp federal
hökumətin qapalı olması səbəbilə İsveçrədə baş tutacaq foruma
Amerikan heyətinin səfərini ləğv edib.
Bu barədə Ağ Evin mətbuat katibi Sarah Sanders yazılı açıqlama
verib.
Rusiya ilə müharibə başlayacağı halda, Latviyada
yerləşən hipotetik NATO bazaları bir neçə dəqiqə ərzində məhv
ediləcək. Bu sözləri Latviya Silahlı Qüvvələrinin Baş
Qərargahının Strateji Planlaşdırma Departamentinin keçmiş rəhbəri
Raymond Rublovski deyib.
"Hazırda Latviyada sadəcə NATO-ya aid bir batalyon var.
Qüvvələrin balansı cəhətdən bu, Moskva üçün heç bir təhlükə təşkil
etmir. Ölkənin ərazisində NATO bazasının yerləşməsi isə onun
təhlükəsizliyinə kömək etmir. Belə ki, istənilən halda Latviya
NATO-Rusiya münaqişəsinin əsirinə çevriləcək və hətta müharibə
aparmağa belə vaxtı olmayacaq", - Rublovski bildirib.
ABŞ, Rusiya, Qərb-Rusiya münasibətləri
Birləşmiş Ştatlarda neft hasilatının artması Rusiya
üçün pis xəbərdir. Bu haqda ABŞ prezidenti Donald
Tramp tvitter səhifəsində “Fox&Friends” proqramından sitat
gətirib.
Xəbərdə deyilir ki, indi ABŞ ötən bütün dövrlərdən daha çox neft
hasil edir.
“Amma bu, Rusiya üçün pis xəbərdir. Prezident Tramp niyə belə
edə bilərdi? Siz düşünürdünüz, o, Kremlə işləyirdi?” - Tramp əlavə
edib.
Belarus diplomatik missiyanın mümkün
genişləndirilməsi haqqında Birləşmiş Ştatlarla danışıqlar
aparır. Bu haqda Belarusun Xarici İşlər Nazirliyinin
başçısı Vladimir Makey bildirib.
Onun sözlərinə görə, hazırda ölkələr onlar arasında mövcud olan
bütün problemli məsələləri müzakirə edirlər.
Rusiya ABŞ-la əvəz edilir? - Lukaşenkodan Putinə ŞOK SİQNAL
Rusiyanın razılığı olmadan NATO gəmilərinin Azov
dənizinə daxil olması mümkün deyil. Bu sözləri Rusiya
Prezident Adminitrasiyasının Krımdakı daimi təmsilçisi Georgi
Muradov deyib.
“2003-cü ildə Rusiya ilə Ukrayna arasında imzalanmış müqaviləyə
görə xarici ölkələrin hərbi gəmiləri Azov dənizi akvatoriyasına
yalnız hər iki ölkənin razılığı ilə daxil ola bilər”, - Muradov
bildirib.
Muradovun sözlərinə görə, xarici ölkələrin hərbi gəmilərinin
Azova daxil olması yolverilməzdir və Moskva buna razılıq
verməyəcək.
Rusiya sərhədləri yaxınlığında NATO-nun hərbi
aktivliyinə reaksiya verəcək. Bunu jurnalistlərə
açıqlamasında Rusiya Xarici İşlər naziri Sergey Lavrov deyib. Onun
sözlərinə görə, ABŞ öz iradəsini beynəlxalq ictimaiyyətə güc yolu
ilə sırımağa çalışır:
“Dünyadakı situasiya çətin olaraq qalır. Keçən il konflikt
potensialı artıb. Buna əsas səbəb ABŞ-ın rəhbərlik etdiyi bir sıra
Qərb ölkələrinin formalaşan çoxqütblü dünya reallığını qəbul
etməməsidir”.
Rusiyanın Liberal Demokrat Partiyasının lideri
Vladimir Jirinovski Yaponiyanın Rusiya ilə sülh müqaviləsi üzrə
danışıqları Tokionun “torpaqları ucuz almaq” cəhdi
adlandırıb. Partiya lideri bu haqda “Lenta.ru”
saytına müsahibəsində bildirib.
Yanvarın 22-də QƏTİ QƏRAR VERİLƏCƏK: torpaqlar qaytarılacaq, yoxsa... – GÖZLƏR MOSKVADA
Rusiyanın Liberal Demokrat Partiyasının lideri
Vladimir Jirinovski Rusiyadan Cənubi Kuril adalarının
qaytarılmasını tələb edən Tokioya novbəti dəfə sərt cavab
verib. Siyasətçi adaların Yaponiyaya verilməyəcəyini
bildirib.
“Tokio bu barədə susmalı və aydın anlamalıdır ki, Kuril adaları
Rusiyanın ayrılmaz hissəsidir. Rusiya parlamentinin mövqeyi bu
məsələdə olduqca dəqiqdir: Kuril Yaponiyaya verilməyəcək”, -
partiya lideri Dövlət Dumasının iclasında deyib.
Öz növbəsində, Dövlət Dumasının spikeri Vyaçeslav Volodin
Jirinovskinin nitqinin yapon dilinə tərcümə edilməsi təklifiylə
çıxış edib.
Rusiya nümayəndə heyəti Orta və yaxın mənzilli
raketlərin ləğvi haqqında Müqavilənin gələcəyi haqqında danışıqlara
gəlmiş Amerika tərəfinin ultimatumuyla rastlaşıb. Bu
haqda mətbuat konfransında Rusiyanın xarici işlər naziri Sergey
Lavrov mətbuat konfransında bildirib.
Britaniya parlamentariləri Brüssel ilə ölkənin
Avropa İttifaqından çıxması haqqında sövdələşməni razılaşdırmağa
qarşı səs verib. İcmalar Palatasının 202 üzvü sənədin
lehinə, 432-si isə əleyhinə səs verib.
Bundan əlavə, parlamentarilər 600 səs əleyhinə, 24-ü isə lehinə
olmaqla, "Brexit" müqaviləsinə ölkənin Avropa İttifaqı ilə
razılaşdırılmış İrlandiya sərhədləri üzrə plandan birtərəfli imtina
etmək (geri qaytarmaq) hüququ verən düzəlişləri təsdiq
etməyiblər.
Böyük Britaniyanın Avropa İttifaqından çıxmasının
şərtlərinə dair saziş layihəsi dəyişdirilə bilməz. Bu
barədə Avropa Komissiyasının sözçüsü Marqaritis Sçinas bildirib. O,
hal hazırda başqa heç bir şey edə bilməyəcəklərini qeyd edib:
“Böyük Britaniyanın sonrakı addımları haqqında xəbər
gözləyirik”.
"Böyük Britaniyanın Avropa İttifaqı (Aİ) üzvlüyündən
çıxması məsələsini Avropa Parlamentinə bu il mayın 23-26-da
keçiriləcək seçkilərdən sonraya təxirə salmaq mümkün
deyil". Bunu Avropa Parlamentinin "Brexit"
əlaqələndiricisi, Liberal Partiyası qrupunun rəhbəri Gi Verhofstadt
Strasburqdakı dinləmələrdə çıxışı zamanı bildirib.
“Brexit"i təxirə salmağı təklif edirlər, amma Avropa
Parlamentinə keçiriləcək seçkilərdən sonraya təxirə salınsa,
cəmiyyətimizdə, iqtisadiyyatımızda qeyri-müəyyənlik daha da
artacaq”, – o deyib.
ABŞ prezidenti Donald Trampın bilərəkdən, ya da
bilməyərəkdən Rusiyanın xeyrinə lazım olduğundan artıq hərəkət
etdiyi barədə sübutlar var. Bu iddia ilə “The Boston
Globe” nəşrinin müşahidəçisi Maykl Koen çıxış edib.
Material müəllifinin fikrincə, son iki il ərzində Birləşmiş
Ştatların prezidenti “hər şeydə Rusiya hökumətinin de-fakto agenti”
idi.
“Ola bilsin prezident Vladimir Putin onu şantaj edir. 2016-cı
ildə prezident seçkisi kampaniyası zamanı ehtimal ki, Rusiyayla
sözləşməsi olub. Amma biz yəqin bilirik: Donald Tramp Rusiya
tərəfindən gözdən salınıb”, - siyasi müşahidəçi “The Boston Globe”
üçün qələmə aldığı məqaləsində yazır.
Onun fikrincə, Tramp prezident postunda qaldığı hər gün
Rusiyanın maraqlarını Birləşmiş Ştatların maraqlarından daha çox
müdafiə edir.
Tramp son iki il ərzində Rusiyanın... – Sensasiyalı FAKTLAR AÇIQLANDI
Ukrayna
Donbasdakı konfliktin uzun onilliklər boyunca
dondurulmuş vəziyyətdə qalması Kiyevdən asılıdır.
Bunu “Arqumenti i Faktı” qəzetinə müsahibəsində Rusiya
Prezidentinin mətbuat katibi Dmitri Peskov deyib.
“Hər şey Kiyevdən asılıdr. Əgər burada müharibə partiyası
hakimiyyətdə qalsa, o zaman konfliktin bitməsi şansı yoxdur.
Hazırda Ukrayna siyasi arenasında problemin dialoq yolu ilə həllinə
çağırış edən qüvvə yoxdur. İşlər həqiqətən pisdir”, – deyə o
bildirib.
Ukrayna təhlükəsizlik gücləri Donbasda Mironovsk su
anbarının şlüzlərini minalayıblar və onları partlada
bilərlər. Bu haqda “Luqansk Xalq Respublikası”
separatçı qurumun nümayəndəsi Andrey Maroçko jurnalistlərə
bildirib.
Onun sözlərinə görə, bu, ATƏT-in xüsusi monitorinq missiyasının
nümayəndəsi tərəfindən aşkar edilmiş və hesabatda öz əksini
tapmışdı.
“Biz dünya ictimaiyyətini və beynəlxalq hüquq müdafiə
təşkilatlarını bu fakta diqqət yetirməyə çağırırıq ki, su anbarının
şlüzlərinin partladılması Luqan çayında suyun səviyyəsinin
artmasına, Troisk, İrmino, Pervomaysk və Kalinov yaşayış
məntəqələrində daşqınlara gətirib çıxaracaq. Bu, dinc əhalisi
arasında böyük miqdarda qurbanlara, respublikanın bütün ərazisində
ekoloji və humanitar faciəyə gətirib çıxaracaq”, - separatçı
qurumun “müdafiə idarəsi”nin nümayəndəsi deyib.
Ömər Dağlı
Xəbərin orijinal ünvanı: https://publika.az/news/nida_tehlil/266431.htmlŞahid olduğunuz hadisələrin video və ya fotosunu çəkərək bizə göndərin: 0552252950 (Whatsapp)