Birləşmiş Ərəb Əmirlikləri (BƏƏ) iki böyük dini xadimin - katolik kilsəsinin başçısı Papa Fransisk və Əl-Əzhər məscidinin Baş imamı Şeyx Əhməd Əl-Tayyibin gələn ay həyata keçiriləcək səfərlərinə hazırlıq görür.Milli.Az AZƏRTAC-a istinadən bildirir ki, həmin ay Roma Papasının ilk dəfə Körfəz Ölkələri Əməkdaşlıq Şurasına daxil olan ölkələrin birinə səfəri ilə görkəmli din xadimi olan Baş imam Şeyx Əhməd Əl-Tayyibin səfərinin üst-üstə düşməsi ilə əlamətdar olacaq.Qeyd olunur ki, hər iki səfər Əbu-Dabinin vəliəhd şeyxi və BƏƏ Silahlı Qüvvələrinin Ali Baş Komandanın müavini şeyx Məhəmməd bin Zayed Al Nəhyanın şəxsi dəvəti ilə həyata keçirilir.Hazırlıq işlərinin gərgin vaxtında tədbirlərin təşkilatçıları dünyanın iki görkəmli din xadiminin görüşünə həsr olunmuş və qardaşlıq, sevgi, sülh dialoqu dəyərləri daşıyan "İnsanlığın qardaşlığı görüşü" adlı rəsmi loqotip hazırlayıblar. Fevralın 3-dən 5-dək Əbu-Dabidə keçiriləcək səfərlərdə iki dini lider arasında insanların qardaşlığı və dünyada sülhün təmin olunmasının dəstəklənməsi məsələləri müzakirə olunacaq. Bu əlamətdar hadisənin təşkili BƏƏ-nin qardaşlığın və tolerantlıq, humanizm kimi bəşəri dəyərlərin, habelə bütün insanların və dinlərin dinc yanaşı yaşamasının dəstəklənməsi işinə daha bir töhfəsi olacaq.Səfərlər çərçivəsində ən əlamətdar hadisə isə Papanın fevralın 5-də "Zayed" stadionunda BƏƏ və qonşu ölkələrdən 135 min nəfərin iştirakı ilə keçirəcəyi messa olacaq. Bu hadisə ölkədə bugünədək keçiriləcək ən möhtəşəm tədbir kimi yadda qalacaq.Papa Fransisk və Baş imam şeyx Məhəmməd bin Zayed Al Nəhyan ilə keçiriləcək ikitərəfli görüşlərdə diskussiyalar da aparacaqlar. Onlar Şeyx Zayed Böyük Məscidini də ziyarət edəcəklər. Pontifikin Müsəlman Ağsaqqallar Şurasının üzvləri ilə görüşü də nəzərdə tutulub. Fevralın 4-də isə Əbu-Dabidə dünyanın müxtəlif ölkələrindən gələcək dini liderlərin iştirakı ilə ümumbəşəri qardaşlığa həsr olunmuş görüş təşkil olunacaq.Bildirilir ki, BƏƏ özünün 47 illik tarixində ölkədə çoxmillətli əhalinin dinc yanaşı yaşamasını dəstəkləyib və bu səfərləri tolerantlıq ili kimi qəbul edilmiş 2019-cu ilin ən əlamətdar hadisəsi kimi qiymətləndirir. Eyni zamanda, bu görüşlər regionda sabitliyin və inkişafın təmin edilməsinə ölkənin töhfəsi olacaq.BƏƏ rəhbərliyi hesab edir ki, ölkədə konfessiyalararası dialoqun və vicdan azadlığının uzun tarixi var. Əbu-Dabidə ilk katolik kilsəsinin əsası 1965-ci ildə qoyulub. Arxeoloqlar da Sir Bəni Yas adasında VII əsrə aid kilsə və monastır xarabalıqlarını aşkar ediblər. Bu gün BƏƏ-də 76 kilsə və digər ibadət məkanları fəaliyyət göstərir. Hökumət tərəfindən ölkə ərazisində bu cür binaların tikintisi üçün torpaq sahələri də ayrılır.Milli.Az
BƏƏ-də iki görkəmli dini xadimin tarixi səfərlərinə hazırlıq görülür
0552252950 (Whatsapp)
BU KATEQORİYADAN DİGƏR XƏBƏRLƏR
Top xəbərlər
Son xəbərlər »
Napoleonun nəslinin nümayəndəsi Fransanı xilas etməyə çağırdı
20 Aprel 2024
03:28
Azərbaycanda stadionda qorxulu anlar yaşandı -
20 Aprel 2024
01:15
"Azərbaycanın COP29-a ev sahibliyi etməsi diplomatik və siyasi cəsarətimizin təcəssümüdü"r
20 Aprel 2024
00:27
Azərbaycana qaytarılan dörd kəndin sakinləri DANIŞDILAR -
19 Aprel 2024
23:53
"Baboşlar efirə çıxarılır, kişi kişiylə evlənir" - Rasim Balayevdən sərt sözlər /
19 Aprel 2024
23:28
“Sumqayıt” səfərdə “Turan Tovuz”a qalib gəldi -
19 Aprel 2024
23:04
16 kənddə qaz təchizatı dayandırılacaq
19 Aprel 2024
22:43
Yaşlı kişi stansiya yoluna düşdü
19 Aprel 2024
22:20
Joze Mourinyo "Real"ı seçdi
19 Aprel 2024
22:02
Aİ-dən Qazaxın 4 kəndinin qaytarılmasına reaksiya
19 Aprel 2024
21:43