Sabah 13 dərəcə isti olacaq

Sabah 13 dərəcə isti olacaq
13:01 14 Yanvar 2015
135 Sosial
Ölkə mətbuatı
A- A+

Sabah Bakıda hava yağmursuz olacaq.

Ekologiya və Təbii Sərvətlər Nazirliyi Milli Hidrometeorologiya Departamentindən ANS PRESS-ə verilən məlumata görə, yanvarın 15-də Bakıda və Abşeron yarımadasında havanın dəyişkən buludlu, əsasən yağmursuz keçəcəyi, gecə və səhər bəzi yerlərdə zəif duman və çiskin olacağı gözlənilir. Cənub-qərb küləyi əsəcək.

Temperaturun gecə 2-5, gündüz 9-13 dərəcə isti olacağı gözlənilir.

Yanvarın 15-də rayonlarda da hava əsasən yağmursuz keçəcək, gecə və səhər bəzi yerlərdə duman, çiskin olacaq. Lakin Lənkəran-Astara ərazisində yağış yağacağı ehtimal olunur. Qərb küləyi əsasən dağlıq ərazilərdə arabir güclənəcək.

Temperatur aran rayonlarında gecə 0-5, gündüz 13-17 dərəcə isti, dağlıq rayonlarda gecə 1-6 dərəcə şaxta, gündüz 5-10 dərəcə isti olacaq.

RƏYLƏR

BU KATEQORİYADAN DİGƏR XƏBƏRLƏR