Dünən “Zirvədəkilər” mükafatlandırma mərasimi baş tutub.
Axşam.az-ın məlumatına görə, rejissor Nail Naiboğlunun təşkilatçılığı ilə keçirilən gecədə sənət aləminin tanınmış simalarına mükafatlar təqdim olunub. Sosial şəbəkədə aparılan sorğu zamanı ən çox səs toplayan və sevilən mahnılar mükafatla təltif olunub.
Gecədə “Zirvədəkilər” siyahısına daxil olanlar arasında əməkdar artist Ağacəbrayıl Ağasəlimov, Manana, müğənni Samir Piriyev, Günay İbrahimli, Yaşar Cəlilov, Aysel Əlizadə, Sevinc Musayeva, Aytac Vidadiqızı, Vüsalə Rəcova, reper Qurd və başqaları daxil olublar.
Mükafatı sahiblərinə sənət aləminin tanınmış simaları təqdim edib. Gecənin aparıcısı Kamran Quliyev və Vüsalə Rəcova olub.
Foto: Rəşad ABBASOV
