Rusiya “vor zakon”lara qarşı Saakaşvili metodunu işə saldı

Rusiya “vor zakon”lara qarşı Saakaşvili metodunu işə saldı
19:52 15 Fevral 2019
131 Dünya
Ölkə mətbuatı
A- A+

Dünən Rusiya prezidenti Vladimir Putin mütəşəkkil cinayətkar qrupların (MCQ) liderləri barəsində cəza tədbirlərinin sərtləşdirilməsi haqda qanunvericilik təkli ilə çıxış edib.

Putinin təklifinə görə, belə qruplaşmaların lideri kimi tanınmış şəxslər 8 ildən 15 ilə kimi azadlıqdan məhrum edilməli və 5 milyon rubl həcmində cərimə olunmalıdırlar. Təklifin əsas mahiyyəti bundan ibarətdir ki,  "vor zakon" kimi tanınan şəxslərin bu statuslarını etiraf etməsi onların həbsi üçün yetərli əsas olacaq.

Xatırladaq ki, bu taktikadan Gürcüstanın eks-prezidenti Mixail Saakaşvili 2004-cü ildə hakimiyyətə gələndən dərhal sonra istifadə etmişdi. Belə ki, "Qızılgül inqilabı"ından əvvəl Gürcüstanda cinayətkarlığın səviyyəsi olduqca yüksək idi, az qala hər iki adamdan biri özünü "vor zakon" sayırdı. Saakaşvili mütəşəkkil cinayətkarlığa sarsıdıcı zərbə vurmaq üçün xüsusi qanun layihəsi hazırlayıb parlamentə təqdim etdi. Bu qanuna əsasən şəxsin "vor zakon" statusunu etiraf etməsi onun 8-10 ilə qədər həbsi üçün əsasdır. Cinayətkar aləmin qanunlarına görə əgər "vor zakon" titulu daşıyan şəxs bunu publik şəkildə inkar edirsə dərhal bu statusunu itirmiş olur. Beləliklə, polis gürcü "vor"lara qarşı əməliyyatlar keçirirdi və onları qruplar halında tuturdu. Daha sonra kameralar qarşısında onlara "vor zakon" olub-olmadıqları haqda sual verilirdi.

Milli.Az virtualaz.org-a istinadən xəbər verir ki, bu qanunun təsiri ilə Gürcüstanda "vor zakon"ların sayı sürətlə azaldı-onların çoxu ölkəni tərk etməli oldu.

İndi bu taktikadan Rusiya prezidenti istifadə edir.  Virtualaz.org Rusiya mənbələrinə istinadən xəbər verir ki. Dövlət Dumasının spikeri Vyaçeslav Volodin prezidentin bu təklifinin dərhal parlamentdə müzakirəyə çıxarılacağını bəyan edib.

Milli.Az


Xəbərin orijinal ünvanı: https://news.milli.az/world/730971.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR