Fransalı gimnast: Bakıda Dünya Kubokunda Olimpiya Oyunlarının atmosferi hiss edilir

Fransalı gimnast: Bakıda Dünya Kubokunda Olimpiya Oyunlarının atmosferi hiss edilir
22:36 16 Fevral 2019
109 İdman
Ölkə mətbuatı
A- A+

Bakı. Sara İsrafilbəyova, Cani Babayeva - Trend:

Bakıda batut gimnastikası və tamblinq üzrə Dünya Kubokunda Olimpiya Oyunlarının atmosferi hiss edilir. Bunu Trend-ə fransalı gimnast Alan Morante deyib.

A.Morante qeyd edib ki, Azərbaycanda çıxış etməyindən şaddır. Onun fikrincə, Bakıda keçirilən Dünya Kuboku digərlərindən fərqlənir: "Burada təşkilat səviyyəsi çox yaxşıdır və idmançıların ən yaxşı çıxışı göstərə bilmələri üçün bütün şərait var. Burada hər şey fərqlidir. Xüsusilə də Bakıda qalibiyyət Olimpiya Oyunlarına vəsiqəni təmin edir".

Onun sözlərinə görə, Bakıda keçirilən Dünya Kuboku Olimpiya Oyunlarına vəsiqə qazanmağa imkan yaradan 6 Dünya Kubokundan ən vacibidir.

Qeyd edək ki, Bakıda batut gimnastikası və tamblinq üzrə ilin ilk Dünya Kuboku keçirilir. Turnirdə 30 ölkədən 160-dan çox gimnast iştirak edir.

Tokio Olimpiya Oyunlarına təsnifat xarakteri daşıyan və batutçular üçün ilin ən vacib startlarından biri olan bu Dünya Kubokunda Vladislav Qonçarov, Rozanna Maklennan, Ceyson Börnett, Dun Dun, Qao Ley, Dmitri Uşakov və Peyc Brioni kimi Olimpiya ulduzları mübarizə aparır.

Azərbaycanı isə batut yarışlarında qadınlar arasında sinxron proqramda son Avropa çempionatının gümüş medalçısı Veronika Zemlyanaya, kişilər arasında sinxron və fərdi proqramlarda Ruslan Ağamirov, İlya Qrişunin, Oleq Piunov və tamblinq cığırında Avropa çempionumuz (2018-ci il) Mixail Malkin təmsil edirlər.

İki gün davam edəcək yarışların ilk günü təsnifat mərhələləri keçirilir, ikinci gün isə final mərhələləri baş tutacaq.

Turnirdə ən yüksək icra xalını toplamış gimnastlara ənənəvi “AGF Trophy” Kuboku da təqdim olunacaq.

2019 və 2020-ci illərdə Tokio Olimpiya Oyunlarına batut gimnastikası üzrə təsnifat xarakterli 6 Dünya Kuboku keçiriləcək. Paytaxtımız gələn il bu kuboklardan daha birinə də ev sahibliyi edəcək.

Xatırladaq ki, ötən il Bakıda 26 ölkənin iştirakı ilə gimnastikanın bu növü üzrə Avropa çempionatı, daha öncəki illərdə isə Dünya kubokları (2016-cı il 17 ölkə, 2017-ci il 15 ölkə) keçirilib.

Trend-in ən mühüm və maraqlı xəbərlərini "Telegram"da izləyin


Xəbərin orijinal ünvanı: https://az.trend.az/azerbaijan/sports/3020668.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR