"İnter"in hücumçusu Mauro İkardi ötən yay Real Madrid-ə keçə bilərmiş.
Milli.Az bildirir ki, goal.az-ın Marca nəşrinə istinadən yaydığı xəbərə görə, "kral klubu" son anda argentinalı forvarddan imtina edib. Madrid təmsilçisi futbolçunun həyat yoldaşı, eyni zamanda meneceri olan Vanda Naraya görə bu addımı atıb.
V. Naranın danışıqlar zamanı tez-tez fikir dəyişdirməsi "Real" rəsmilərinin narazılığına səbəb olub. Məhz bundan sonra ispan klubu İkardini almaq fikrindən daşınıb və danışıqlar dayandırılıb.
Qeyd edək ki, İnter rəhbərliyi ilə münasibətləri korlanan İkardinin transferə çıxarıldığı söylənilir.
Milli.Az