Bakı. 19 fevral. REPORT.AZ/ Ötən ilin uyğun dövrü ilə müqayisədə son 10 ayda İran idxalatı 18 faiz, yaxud 32,25 milyard dollar azaldıb.
“Report” “Anadolu” agentliyinə istinadən xəbər verir ki, bu barədə İranın Gömrük İdarəsi məlumat yayıb.
Bildirilib ki, hesabat dövründə İran Çindən idxalatı 15 faiz, yaxud 8 milyard 905 milyon dollar, Birləşmiş Ərəb Əmirliklərindən 32 faiz, yaxud 5 milyard 456 milyon dollar, Türkiyədən 2,67 milyard dollardan 2,38 milyard dollaradək azaldıb. Ancaq Omandan İrana ixracat 164 faiz, Rusiyadan isə 75 faiz artıb.
İdxal azalmasının əsas səbəblərindən bir kimi ABŞ-ın İrana tətbiq etdiyi sanksiya göstərilir.
