“Fərqli nəticəyə ümid edirdik” - Valverde

“Fərqli nəticəyə ümid edirdik” - Valverde
12:22 20 Fevral 2019
98 İdman
Ölkə mətbuatı
A- A+

"Barselona"nın baş məşqçisi Ernesto Valverde, Çempionlar Liqasının 1/8 final mərhələsinin ilk oyunları çərçivəsində "Lion"la 0:0 hesablı bərabərliyə razılaşdıqları qarşılaşmadan sonra fikirlərini bölüşüb.

Milli.Az komanda.az-a istinadən xəbər verir ki, 55 yaşlı mütəxəssis nəticədən razı qalmadığını bildirib:

"Statistikaya və yaratdığımız qol epizodlarına baxsaz, nəticədən razı qalmadığımı bilərsiz. Onsuz da, Çempionlar Liqasının səfər oyunlarında qalib gəlmək çətindir, bunu inkar etmirik, amma daha fərqli nəticəyə ümid edirdik. Məsələni şişirtmirəm, amma yarada biləcəyimiz hər cür qol epizodunu yaratdıq. Bütün yolları sınadıq, buna görə də, oyunumuzdan razı qaldım və bu "performans"a görə xoşbəxtəm".

İspan mütəxəssis Osman Dembelenin oyununu da dəyərləndirib:

"Dembele ilk hissədə topla çox oynadı. Bir aydan çox müddətdə zədədən əziyyət çəkirdi və sadəcə, keçən şənbə günü meydanda oldu. Bu gün çox yaxşı oyun göstərdi və yorulduğu üçün onu əvəzləmək məcburiyyətində qaldım".

Milli.Az


Xəbərin orijinal ünvanı: https://news.milli.az/sport/732304.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR