Bakı. 23 fevral. REPORT.AZ/ Sudanda bir il müddətinə fövqəladə vəziyyət rejimi elan edilib.
“Report” TASS-a istinadən xəbər verir ki, bunu ölkə prezidenti Ömər əl-Bəşir milli televiziyanın efirində elan edib.
Əl-Bəşir ölkənin hakim "Milli Konqres" partiyasının rəhbərliyi ilə görüşdən sonra bildirib ki, fövqəladə rejim ölkədə vəziyyətin sabitləşdirilməsi və ölkənin böhrandan çıxarılmasına kömək edəcək iqtisadi islahatların aparılması üçün lazımdır.
