Saatlı. 24 fevral. REPORT.AZ/ Saatlıda 1 nəfərin xəsarət alması ilə nəticələnən yol qəzası baş verib.
“Report”un Aran bürosu xəbər verir ki, hadisə rayonun Dədə Qorqud kəndində qeydə alınıb.
Belə ki, rayon sakini, 1995-ci il təvllüdlü Zeynalov Yusif Hakim oğlu idarə etdiyi motosikletlə hərəkətdə olarkən qəzaya uğrayıb. Nəticədə o, müxtəlif dərəcəli bədən xəsarətləri alıb. Yaralı Saatlı Rayon Mərkəzi Xəstəxanasına yerləşdirilib.
Faktla bağlı araşdırma aparılır.