"Rusiya Krım tatarları ilə bağlı vədinə əməl etmədi"

"Rusiya Krım tatarları ilə bağlı vədinə əməl etmədi"
16:33 14 Yanvar 2015
101 Dünya
Ölkə mətbuatı
A- A+

Azərbaycan, Bakı, 14 yanvar /Trend, müxbir Rufiz Hafizoğlu/

Rusiya Krım tatarları ilə bağlı vədinə əməl etmədi. Trend xəbər verir ki, bunu Türkiyənin xarici işlər naziri Mövlud Çavuşoğlu "Anadolu” agentliyinə müsahibəsində deyib.

M.Çavuşoğlu bildirib ki, Rusiya Ankaraya tatar dilinə dövlət statusu veriləcəyini vəd etmişdi, lakin vədinə əməl etmədi.

Onun sözlərinə görə, Rusiya Krım tatarlarının dövlət orqanlarında təmsil olunacaqlarını da vəd etmişdi, lakin bu da olmadı.

Xəbər verildiyi kimi, bu vədlər Rusiya Prezidentinin ötən il dekabrın 1-də Ankaraya səfəri zamanı verilmişdi.

Xatırladaq ki, 2014-cü il martın 16-da Krımın statusu haqqında referendum keçirilib. Son məlumatlara görə, seçicilərin demək olar ki, 96 faizi muxtar respublikanın Rusiyaya birləşdirilməsinin lehinə səs verib. Dünyanın bir çox ölkələri referendumun nəticələrinin tanınmamasına dair bəyanatlarla çıxış ediblər.

Məqalə müəllifi ilə əlaqə ünvanı: agency@trend.az

RƏYLƏR

BU KATEQORİYADAN DİGƏR XƏBƏRLƏR