Çempionlar Liqasının 1/8 final mərhələsinin cavab oyununda İspaniya "Barselona"sı ilə matçdan öncə "Fransa"nın "Lion" komandasının beş azarkeşi hücuma məruz qalıb.
"Report" "Mundo Deportivo"ya istinadən xəbər verir ki, klubun 4 fanatına bibər qazı ilə hücum olunub.
Fransa təmsilçisinin bir azarkeşi isə başından zədə alaraq xəstəxanaya yerləşdirilib. Polis fanatlara hücum edən şəxsləri axtarır.
Qeyd edək ki, "Barselona" - "Lion" matçı bu gün Kataloniyada keçiriləcək. Fransadakı ilk matç 0:0 hesabı ilə yekunlaşıb.
