Bu gün UEFA Çempionlar Liqasının 1/4 final və yarımfinal mərhələlərinin püşkü atılacaq.
Publika.az xəbər verir ki, mərasim UEFA-nın İsveçrənin Nyon şəhərindəki mənzil-qərargahında keçiriləcək və Bakı vaxtı ilə saat 15:00-da başlayacaq.
Əvvəlki püşkatmalara əsasən komandalar eyni səbətdən rəqiblərini tanıyacaqlar. Belə ki, komandaların adı “səpələnmişlər” və “səpələnməmişlər”ə bölünməyəcək. Bir ölkəni təmsil edən kollektivlər bir-birləri ilə rəqaib ola bilərlər.
1/4 finala qatılacaq komandalar
“Barselona” (İspaniya)
“Ayaks” (Hollandiya)
“Yuventus” (İtaliya)
“Liverpul” (İngiltərə)
“Mançester Yunayted” (İngiltərə)
“Mançester Siti” (İngiltərə)
“Tottenhem” (İngiltərə)
“Portu” (Portuqaliya)
Turnirin təqvimi belədir:
9-10 və 16-17 aprel - 1/4 final
30 aprel–1 may və 7-8 may - yarımfinal
1iyun - final
Finala İspaniyanın paytaxtı Madriddəki “Metropolitano” statdionu ev sahibliyi edəcək.
Zümrüd
