Yevlaxda mindən çox patron aşkarlandı

Yevlaxda mindən çox patron aşkarlandı
18:19 18 Mart 2019
46 Digər
Ölkə mətbuatı
A- A+

Bu gün səhər saatlarında Daxili İşlər Nazirliyinin (DİN) ″102″ Xidməti-Zəng mərkəzi sistemindən Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) Yevlax rayonu ərazidə silah və patronların tapılması barədə məlumat daxil olub.
 
ANAMA-dan ONA-ya verilən məlumata görə, Agentliyin xüsusi mobil çevik əməliyyat qrupu və DİN Yevlax rayon Polis Şöbəsinin əməkdaşları dərhal həmin əraziyə göndərilib.
 
“Almalıq” adlanan otlaq sahəsinə baxış keçirilib. Yerli əhalinin təhlükəsizliyini təmin etmək məqsədilə ərazi polis tərəfindən mühasirəyə alınıb. Agentliyin mütəxəssisləri tərəfindən aparılan təcili təxirəsalınmaz əməliyyat-axtarış tədbirləri nəticəsində 1063 ədəd 5.45 mm-lik patron və 1 ədəd korroziyaya uğramış avtomat aşkar olunub, zərərsizləşdirilməsi üçün götürülərək Agentliyin mərkəzi məhvetmə ərazisinə daşınıb.
 
Patronların ətrafında 1000 kv. m əraziyə yerüstü, 100 kv. m əraziyə isə yeraltı baxış keçirilib, əlavə təhlükəli əşya və qurğu aşkarlanmayıb. 

Xəbərin orijinal ünvanı: http://news.lent.az/news/308867

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR