316 nəfər peşə təlimini başa vurub

316 nəfər peşə təlimini başa vurub
14:29 23 Mart 2019
73 Ölkə
Ölkə mətbuatı
A- A+

Bakı. Trend:

Ötən ilin sonlarında Əmək və Əhalinin Sosial Müdafiəsi Nazirliyi yanında Dövlət Məşğulluq Xidməti tərəfindən peşə hazırlığı kurslarına cəlb edilən 316 nəfər (o cümlədən 177 qadın) bu ilin ilk rübündə peşə təlimini uğurla başa çatdırıb.

Nazirlikdən Trend-ə verilən məlumata görə, kurslara cəlb edilənlərə dərzi, aşpaz, bərbər-manikürçü, ikinci dairə üzrə elektrik quraşdırıcısı, çilingər, elektrik-qaz qaynaqçısı və digər peşələr üzrə Təhsil Nazirliyinin təsdiq etdiyi plana uyğun bilik və bacarıqlar tədris edilib. Onlara peşə kurslarını bitirmələri barədə sertifikatlar təqdim olunub.

Təlimləri bitirənlərin artıq əksəriyyəti yeni yiyələndikləri peşələr üzrə işlə təmin olunublar.

Peşə və ixtisası olmayan, yaxud peşə bacarığına uyğun iş tapılmasında çətinlik yaranan şəxslər Dövlət Məşğulluq Xidməti tərəfindən peşə hazırlığına cəlb edilirlər. Bu da onların əmək bazarına çıxışına və məşğulluğunun təminatına imkan yaradır.

Hazırda müxtəlif peşələr üzrə bir sıra peşə təlimi kursları davam edir.

Trend-in ən mühüm və maraqlı xəbərlərini "Telegram"da izləyin


Xəbərin orijinal ünvanı: https://az.trend.az/azerbaijan/society/3036389.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
loading...

RƏYLƏR

BU KATEQORİYADAN DİGƏR XƏBƏRLƏR