Bu ilin əvvəlindən martın 22-dək Filippində 333 nəfər qızılcadan dünyasını dəyişib.
Publika.az xəbər verir ki, bu barədə Filippin Milli Fəlakət Riski Azaldılması və İdarəetmə Qurumunun martın 22-də açıqlanan hesabatında bildirilib.
Ölkədə yanvarın 1-dən martın 19-dək 22 967 qızılca faktı aşkar edilib. Onlardan 4 min 740-ı Calabarzon bölgəsinin sakinləridir. Təkcə bu bölgədə qızılcadan 96 nəfər ölüb. Hesabata görə qızılca ən çox 1-4 yaş arası uşaqlar arasında yayılıb.
Qızıl Xaç Komitəsi bu ay epidemiyanın davam etdiyi ölkədə yaşı 5-dən az olan 3.7 milyon uşağın risk altında olduğunu açıqlayıb.
Dövlət başçısı Rodriqo Duterte keçən ay ölkədəki valideynlərə övladlarını qızılcaya qarşı peyvənd etdirmələri üçün çağırış edib.
Gülxar