Bakı. Tural Turan - Trend:
Almaniya millisi Avro-2020 seçmə mərhələsində Niderland millisinə qalib gəlib. Trend-in məlumatına görə, hesab 3:2 hesabı ilə Almaniyanın xeyrinə başa çatıb.
Oyunda hesabı 15-ci dəqiqədə Sane açıb. 34-cü dəqiqədə Qnabri almanların üstünlüyünü artırıb. 48-ci dəqiqədə de Liqt hesab arasında fərqi minimuma endirib. 63-cü dəqiqədə Depay ev sahibi komandasının azarkeşlərini sevindirib və hesabı bərabərləşdirib.
90-cı dəqiqədə isə Şults Almaniyaya qələbə qazandıran qolun müəllifi olub.
Beləliklə, Almaniya ilk oyununda 3 xal qazanır.
Trend-in ən mühüm və maraqlı xəbərlərini "Telegram"da izləyin
