Gümrüdə baş verənlər siyasi xarakter almağa başlayır. Rusiyalı politoloqlar məsələ ilə bağlı nikbin deyil. Bu gün ANS-ə müsahibəsində siyasi şərhçi Sergey Markov Gümrüdə baş verənlərin Rusyia-Ermənistan münasibətlərinə təsirsiz ötüşməyəcəyini bildirib.
Politoloq Sergey Markov bildirib ki, Gümrüdə baş verən və bir neçə erməni vətəndaşının ölümünə səbəb olan o dəhşətli hadisə, əlbəttə ki, Rusiya-Ermənistan münasibətlərinə təsirsiz ötüşməyəcək.
"Bunun təsiri mənfi olacaq. Ancaq indi hər iki tərəf bu mənfi təsirin dərəcəsini azaltmaq üçün çalışır. Bu məqsədlə də hadisə ilə bağlı mətbuata çox da məlumat sızdırılmır. Hadisə ictimailəşdirilsə, əlbəttə ki, bu daha pis nəticələrə yol aça bilər. Rusiyanın Ermənistandakı hərbi varlığı, eləcə də Rusiyadakı erməni diasporu üçün ciddi təhlükələr ortaya çıxa bilər”.