"Qarabağ” bir futbolçusu ilə yollarını ayırıb.
Publika.az klubun rəsmi saytına istinadən xəbər verir ki, islandiyalı qapıçı Hannes Tor Halldorssonla müqaviləyə qarşılıqlı razılaşma əsasında xitam verilib.
Mövsümün əvvəlində komandamıza transfer olunan Hannes bu mövsüm 8 oyunda ( 4 Premyer Liqa, 4 avrokubok) meydanda olub.
Qeyd edək ki, Hannes 2018 Dünya Çempionatında Argentina millisinin ulduzu Lionel Messinin penalti zərbəsini geri qaytardıqdan sonra diqqətləri üzərinə çəkmişdi.
