AFFA Bakı Ekspo Mərkəzində 18-ci Azərbaycan Beynəlxalq Turizm və Səyahətlər “AITF 2019” sərgisində iştirak edib.
"Report"un məlumatına görə, məqsəd Bakı Olimpiya Stadionunda keçiriləcək UEFA Avropa Liqasının final oyununun təblığatıdır.
Dövlət Turizm Agentliyi və Milli Turizm Təbliğat Bürosunun dəstəyi və iştirakı ilə təşkil olunmuş sərgidə turizm şirkətləri, aviaşirkətlər, mehmanxana şəbəkələri, sanatoriyaların milli və regional təmsilçiləri öz xidmətlərini təqdim edirlər. Aprelin 4-dən başlayan sərgiyə sabah yekun vurulacaq.
Qeyd edək ki, Avropa Liqasının finalı may 29-da keçiriləcək.
