Qarsın Sarıqamış Rayonu, Məscid kəndində, məktəbdə tapdıqları civəylə təmas edən 6 tələbə ilə bir tələbənin ana və atası zəhərlənmə şübhəsiylə Ərzuruma sövq edilib.
Metbuat.az türk mediasına istinadla xəbər verir ki, Qarsın Sarıqamış rayonunda civə olduğu irəli sürülən maddə ilə təmas etməsi nəticəsində zəhərlənən 6-sı uşaq, 8 nəfər Ərzurumda müalicə altına alınıb.
Rayona bağlı Məscid kəndində yaşayan bir qrup uşaq oyun oynadıqları zaman ərazidə tapdıqları və civə olduğu iddia edilən maye maddəylə təmas edib.
Sonra bu maddəni evlərinə aparan və bir müddət sonra həddindən artıq halsızlıq ilə zəhərlənmə əlamətləri göstərən uşaqlar, ailələri tərəfindən Sarıqamış Dövlət Xəstəxanasına qaldırılıb.
Burada keçirilən ilk müdaxilələrinin sonra Qars Harakani Dövlət Xəstəxanasına aparılan uşaqlar sonra Ərzurum Bölgə Təhsil və Araşdırma Xəstəxanasına sövq edilib.
Hadisənin eşidilməsi ilə kəndə gələn Qars AFAD briqadaları, civə ilə təmasda olduğu iddia edilən uşaqların evlərində araşdırma başlatdı.
Komandalar xüsusi paltarlar geyərək uşaqların və ailələrin yaşadığı mühitdə xüsusi cihazlarla araşdırma edib.
Rəsmi şəxslər, mövzu ilə bağlı geniş miqyaslı araşdırmanın aparıldıqdan sonra lazımi açıqlamanın ediləcəyini bildiriblər.
Kənd Muxtarı Murad Dönməz jurnalistlərə verdiyi açıqlamada, uşaqların tapdıqları maddə ilə təmas etmələri üzərinə hadisənin baş verdiyini izah edərək, "uşaqlar məktəbdən gələndən sonra kəndin içində bir maddə tapmış, oynadıqdan sonra evlərinə aparmışlar. Ana və ataları uşaqlardakı halsızlıqdan şübhələniblər. Ərzurumda müalicə edəndə burada zəhərləndikləri məlum olub. Bu maddənin civə olduğu deyilir" söyləyib.
