Bakıda Türkiyə hərbi bazası qurulsun - Ekspertdən təklif

Bakıda Türkiyə hərbi bazası qurulsun - Ekspertdən təklif
18:57 6 Aprel 2019
107 Ölkə
Ölkə mətbuatı
A- A+

Son dönəmlər erməni rəsmilərinin Azərbaycana yönəlik təhdid, hətta aşağılayıcı hərəkət və açıqlamaları, Paşinyanın tez-tez Qarabağ səfərləri, Tonoyanın çıxışları Azərbaycanda haqlı iradlar, etirazlar, narazılıqlarla qarşılanırdı.

Milli.Az bildirir ki, bu sözləri Axar.az-a açıqlamasında politoloq Əhəd Məmmədli deyib. O bildirib ki, Aprel müharibəsinin ildönümündə Azərbaycan Prezidenti, Birinci vitse-prezident və Müdafiə nazirinin keçirdiyi görüşlərdə verdiyi açıqlamalar cəmiyyətdə müsbət qarşılandı. Azərbaycan rəsmilərinin "Bizi İrəvanda görəcəksiniz", "Qarabağın hər kəndində Azərbaycan bayraqları asılacaq", "Türkiyənin hərbi əməliyyatlar təcrübəsindən istifadə etməliyik" kimi çıxışları, düşmənə yönəlik kəskin cavabları ictimayyətdə müsbət qarşılandı".

Politoloq vurğulayıb ki, 2019-cu ili Qarabağ müharibəsində Azərbaycan "sınma ili" sayır:

"Status-kvonun Azərbaycanın xeyrinə dəyişməsi üçün düşmənə bu il daha genişmiqyaslı Aprel yaşatmalıyıq. Buna hazırlıq çərçivəsində Azərbaycan və Türkiyə arasında rəsmi müttəfiqlik səviyyəsində siyasi-hərbi doktrina imzalanmalıdır. Azərbaycan əraziləri Naxçıvan və Abşeronda türk zabit və əsgər heyəti üçün hərbi bazalar qurulmalıdır. Türkiyə və Azərbaycan orduları birlikdə sərhədlərin mühafizəsinə başlamalıdır. Qüds və Qolan təpələri çox təhkükəli nümunələrdir. Azərbaycan bu il ərazi bütövlüyünə qovuşmalıdır. Artıq vaxt itirməməliyik".

Milli.Az 


Xəbərin orijinal ünvanı: https://news.milli.az/country/744865.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
loading...

RƏYLƏR

BU KATEQORİYADAN DİGƏR XƏBƏRLƏR