Gürcüstanda azərbaycanlılar etiraz aksiyası keçirdi

Gürcüstanda azərbaycanlılar etiraz aksiyası keçirdi
00:28 7 Aprel 2019
83 Digər
Ölkə mətbuatı
A- A+

Gürcüstanda azərbaycanlıların yaşadığı Marneuli rayonunda ölkənin Mərkəzi Seçki Komissiyasının (MSK) nümayəndəliyi qarşısında etiraz aksiyası keçirilib.

Publika.az "Report"a istinadən xəbər verir ki, müxalif Vahid Milli Hərəkat Partiyasının (VMHP) təşkil etdiyi aksiyada Bəylər kəndindəki 78 saylı seçki məntəqəsinin ləğv edilməsinə etiraz bildirilib.

Aksiya iştirakçılarının sözlərinə görə, hər seçkidə bu məntəqədə VMHP səs çoxluğu əldə edir və buna görə hakim Gürcü Arzusu Partiyası seçki məntəqəsinin digər məntəqə ilə birləşdirilməsinə çalışır.

Müxalifətçilər Bəylər kəndindəki 78 saylı seçki məntəqəsinin digər məntəqəyə birləşdiriləcəyi təqdirdə kütləvi etiraz aksiyasının keçiriləcəyini bildiriblər.

MSK-nın Marneuli rayonundakı nümayəndəliyindən etiraz aksiyasına münasibət bildirilib. Qurumdan qeyd olunub ki, 78 saylı seçki məntəqəsinin Norqiuli kəndindəki məntəqə ilə birləşdirilməsi nəzərdə tutulub və məqsəd seçki məntəqəsində mövcud şəraitin yaxşılaşdırılmasıdır.


Xəbərin orijinal ünvanı: https://publika.az/news/southcaucasus/274842.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR