Yaponiyada bahar bayramı və istirahət günlərində rekord sayda insan səyahətə yollanacaq

Yaponiyada bahar bayramı və istirahət günlərində rekord sayda insan səyahətə yollanacaq
07:47 7 Aprel 2019
Ölkə mətbuatı
A- A+

Yaponiyada qarşıda gözlənilən bahar bayramı və istirahət günlərində rekord sayda insan səyahətə yollanacaq.

Milli.Az AZƏRTAC-a istinadən bildirir ki, cari ildə ilk dəfə olaraq yaponlar "qızıl həftə" adlandırılan bayram və istirahət günlərində 7 gün deyil, 10 gün istirahət edəcəklər. Buna səbəb kimi həmin günlərdə ölkə üçün mühüm əhəmiyyət kəsb edən yeni İmperatorun taxta çıxması göstərilir.

Yaponiyanın aparıcı "JTB" turizm agentliyinin apardığı sorğunun nəticələrinə görə, aprelin 25-dən mayın 5-dək davam edəcək həmin günlərdə təqribən 25 milyon insanın həm ölkə daxilinə, həm də onun hüdudlarından kənara səyahət edəcəyi gözlənilir. Bu, ötən ilin həmin göstəricisindən təqribən 300 min nəfər çoxdur.

Həmin göstəricinin, eyni zamanda, "JTB" turizm agentliyi tərəfindən həmin proqnozun aparılmağa başladığı 1969-cu ildən bəri ən yüksək rəqəm olduğu da bildirilir.

Milli.Az


Xəbərin orijinal ünvanı: https://news.milli.az/interest/744785.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
loading...

RƏYLƏR

BU KATEQORİYADAN DİGƏR XƏBƏRLƏR