"Atletiko"nun hücumçusu Dieqo Kostanı ağır cəza gözləyir.
Milli.Az goal.az-a istinadən xəbər verir ki, buna səbəb ulduz futbolçunun La Liqanın XXXI turunda "Barselona" ilə görüşdə qırmızı vərəqə alması olub.
Qarşılaşmanın 28-ci dəqiqəsində meydandan qovulan İspaniya millisinin üzvünün hakimi təhqir etdiyi üzə çıxıb. Belə ki, baş hakim Xesus Gil Mansano oyunun protokoluna Kostanın ardıcıl iki dəfə onun anasını söydüyünü yazıb. Nizam-İntizam Komitəsinin oyunçunu 8 oyunluq diskvalifikasiyaya məruz qoyması gözlənilir.
Qeyd edək ki, rəqibinə 0:2 hesabı ilə uduzan "Atletiko" "Barselona"dan 11 xal geri qalır.
Milli.Az