Sumqayıt şəhərinin “Yaşma bağları” adlanan yaşayış massivində partlayış olub.
Metbuat.az xəbər verir ki, hadisə bu gün səhər saalarında fərdi evlərdən birində baş verib. Qaz balonunun partlaması nəticəsində 1986-cı il təvəllüdlü Samirə Şakir qızı Məmmədova və onun 2012-ci il təvəllüdlü övladı Aliyə Əhməd qızı Məmmədova yanıq xəsarətləri alıblar.
Yaralılar dərhal Sumqayıt Şəhər Təcili Tibbi Yardım Xəstəxanasına çatdırılıb, daha sonra isə Bakıya klinikaya göndəriliblər. Faktla bağlı polis idarəsində araşdırma aparılır.
