Gəncə Qarnizonu Zabitlər Evininin təşkilatçılığı ilə ekskursiyalar təşkil edilib

Vətənpərvərlik həftəsi çərçivəsində Gəncə Qarnizonu Zabitlər Evinin təşkilatçılığı ilə Cəmşid Naxçıvanski adına Hərbi Liseyin kursantlarının Tərtər rayonuna və Gəncə şəhərinə ekskursiyaları təşkil olunub.

Metbuat.az xəbər verir ki, əvvəlcə kursantlar Tərtər şəhərində ümummilli liderimiz Heydər Əliyevin xatirəsini ehtiramla yad edib, abidəsi önünə gül dəstələri düzüblər.
Səfər çərçivəsində kursantlar Tərtər tarix-diyarşünaslıq Muzeyini ziyarət ediblər. Ekskursiya iştirakçılarına ümummilli lider Heydər Əliyev və Ali Baş Komandan İlham Əliyevin Tərtərə səfərlərini əks etdirən fotoxronika təqdim olunub və məlumat verilib.

Muzeydə xalqımızın tarixini və mədəniyyətini əks etdirən eksponatlar, qədim dövrdə istifadə olunan məişət əşyaları, eləcə də aprel döyüşlərində şəhidlik zirvəsinə ucalan qəhrəmanlarımızın şəkilləri, onlar haqqında məlumatlar, şəxsi əşyalar və hərbi geyim formaları kursantların marağına səbəb olub.

Sonra kursantlar aprel döyüşləri zamanı işğaldan azad olunmuş ərazisiləri daha yaxından izləmək imkanı əldə ediblər. N nömrəli hərbi hissəyə gələn kursantlar yemkxanada əsgərlərlə birgə nahar ediblər. Tədbirin bədii hissəsində Gəncə Qarnizonu Zabitlər Evinin solistinin ifasında hərbi vətənpərvərlik mahnıları səsləndirilib.

Səfərin davamı olaraq kursantlar Gəncə şəhərindəki Şah Abbas meydanını, Şah Abbas məscidini, Gəncə xanı Cavad xanın məzarını, “Gəncə Tarix Diyarşünaslıq Muzeyi”ni, İsrafil Məmmədovun Ev Muzeyini, Azərbaycan Xalq Cümhuriyyəti Muzeyini, “Gəncə Qala Qapıları - Arxeologiya və Etnoqrafiya Muzeyi” Abidə Kompleksini, Nizami Gəncəvi Muzeyini, Nizami Gəncəvi Məqbərə Kompleksini və tarixi yerləri ziyarət ediblər.

Gəncə və Tərtərə səfərləri zamanı Cəmşid Naxçıvanski adına Hərbi Liseyin kursantlarının əldə etdikləri məlumatlar onların Vətənimiz haqqında biliklərini daha da zənginləşdirib.


Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
loading...

RƏYLƏR

BU KATEQORİYADAN DİGƏR XƏBƏRLƏR