Liviyada savaşan tərəflər BMT-nin çağırışını rədd etdi

Liviyada savaşan tərəflər BMT-nin çağırışını rədd etdi
22:18 7 Aprel 2019
63 Digər
Ölkə mətbuatı
A- A+

Liviya paytaxtı uğrunda savaşan hər iki tərəf BMT-nin iki saatlıq atəşkəs müraciətini rədd edib.

Publika.az Axar.az-a istinadən xəbər verir ki, bu barədə RİA-ya Tripoli Təcili Yadım təmsilçisi Üsamə Əli deyib.

Onun sözlərinə görə, BMT xəsarət alanlara yardım göstərilməsi üçün yerli vaxtla saat 16:00-dan 18:00-a qədər atəşkəs müraciəti edib.

“Tərəflər BMT-nin humanitar fasilə müraciətini qəbul etmədi”, - Ü.Əli deyib.

4 apreldə X.Haftar Tripolini “terrorçulardan azad etmək üçün” orduya əmr verib. Artıq Haftarın ordusu paytaxtın cənubundakı Qaryan və Surman şəhərlərini ələ keçirib.

Liviya Milli Razılıq Hökuməti bazar günü marşal Xəlifə Haftarın başçılıq etdiyi Liviya Milli Ordusuna qarşı hərbi əməliyyata start verib.

Qeyd edək ki, Liviyada ikihakimiyyətlilik hökm sürür. Ölkənin şərqində parlament, Tripolinin də daxil olduğu qərbdə isə BMT və AB-nin də dəstəklədiyi Milli Razılıq Hökuməti fəaliyyətdədir. Şərqdəki hakimiyyət Liviya Milli Ordusunun rəhbəri Xəlifə Haftarla birgə hərəkət edir.

Ölkənin Milli Neft Şirkəti öz müstəqilliyini elan edib və hər iki tərəflə əməkdaşlıq edir.


Xəbərin orijinal ünvanı: https://publika.az/news/neareast/274904.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
loading...

RƏYLƏR

BU KATEQORİYADAN DİGƏR XƏBƏRLƏR