Bu gün Maqnus Karlsen "ShamkirChess"in dördqat qalibi ola bilər

Bu gün Maqnus Karlsen "ShamkirChess"in dördqat qalibi ola bilər
07:32 8 Aprel 2019
62 Digər
Ölkə mətbuatı
A- A+

Mərhum şahmatçı Vüqar Həşimovun xatirəsinə həsr olunan "Shamkir Chess 2019" superturnirində bu gün VIII turun görüşləri keçiriləcək.
"Report" xəbər verir ki, azərbaycanlı qrossmeysterlərdən Teymur Rəcəbov ağ fiqurlarla hindistanlı keçmiş dünya çempionu Vişvanatan Anandla üz-üzə gələcək. Şəhriyar Məmmədyarov isə qara fiqurlarla son pillədəki Aniş Giri ilə görüşəcək. Artıq turnirin qalibi olma şanslarını Rəcəbov böyük ölçüdə, Məmmədyarov isə tamamilə itirib. Hər iki qrossmeyster son 2 turda ilk qələbə üçün yarışacaqlar.
Turun mərkəzi görüşündə isə rusiyalı Sergey Karyakin ağ fiqurlarla norveçli dünya çempionu Maqnus Karlsenlə qarşılaşacaq. Karlsen qələbə qazansa, sona bir tur qalmış dördüncü dəfə "ShamkirChess"in qalibi adını qazanacaq.
"ShamkirChess 2019"
VIII tur
8 aprel
Sergey Karyakin (Rusiya) – Maqnus Karlsen (Norveç)
Teymur Rəcəbov (Azərbaycan) - Vişvanatan Anand (Hindistan)
Veselin Topalov (Bolqarıstan) – Dinq Liren (Çin)
Alekandr Qrişuk (Rusiya) – David Navara (Çexiya)
Aniş Giri (Hollandiya) – Şəhriyar Məmmədyarov (Azərbaycan)
Bütün görüşlər saat 15:00-da başlanacaq.
Qeyd edək ki, 7 turdan sonra Maqnus Karlsen 5 xalla 1-ci, Sergey Karyakin 4,5 xalla 2-ci pillədə qərarlaşıb. Vişvanatan Anand, Aleksandr Qrişuk, Dinq Liren, David Navara, Teymur Rəcəbov, Veselin Topalov hərəyə 3.5 xalla 3 - 8-ci yerlərdədirlər. Şəhriyar Məmmədyarov 2,5 xalla 9-cu, Aniş Giri isə 2 xalla 10-cu sıradadır. Turnirə aprelin 9-da yekun vurulacaq.


Xəbərin orijinal ünvanı: https://report.az/ferdi/bu-gun-maqnus-karlsen-shamkirchess-in-dordqat-qalibi-ola-biler

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
loading...

RƏYLƏR

BU KATEQORİYADAN DİGƏR XƏBƏRLƏR