Nüfuzlu Avropa alimlərinin iştirakı ilə Yaz məktəbi

Nüfuzlu Avropa alimlərinin iştirakı ilə Yaz məktəbi
11:43 8 Aprel 2019
62 Ölkə
Ölkə mətbuatı
A- A+

Bakı. Trend:

Qərbi Kaspi Universitetinin təşkilatçılığı ilə Avropanın 3 nüfuzlu professorunun iştirakı ilə Yaz məktəbi təşkil olunacaq.

Universitetdən Trend-ə verilən məlumata görə, 29 Aprel-2 may tarixlərində, dörd gün ərzində davam edəcək məktəbdə AlmaniyaDanimarkadan olan alimlərin mühazirələri dinləniləcək.

Aprelin 29-da Danimarka Texniki Universiteti Tətbiqi Riyaziyyat və Kompüter Elmləri Kafedrasının professoru Mads Peter Soensen “Biologiya və əczaçılıq sənayesində riyazi modelləşdirmə: Qanın laxtalanmasının mərhələsi” mövzusunda çıxış edəcək.

Professorun 1 may tarixində “Biologiya və əczaçılıq sənayesində riyazi modelləşdirmə: Aktiv İnsulin istehsal edən Beta-hüceyrələr” mövzusunda da mühazirəsi olacaq.

Almaniyanın Mübahisələrin həlli Mərkəzinin professoru Florian Rupp isə aprelin 30-u və mayın 2-də “Selikli canlıların həyatının modelləşdirilmiş və təhlil edilmiş formulu” mövzusunda mühazirə ilə çıxış edəcək. Mayın 1-də isə professorun “Həyat elmlərində süni intellektin perspektivləri” mühazirəsi təşkil ediləcək.

Almaniyanın Çatışmazlıqların aradan qaldırılması Mərkəzi və Kiber İnnovasiyalar Mərkəzinin tədqiqatçı alimi Rupert Brandmeier isə 2 may tarixində “Kiber-fiziki və kiber-sosial infeksiyalar” ilə bağlı çıxış edəcək.

Mayın 2-də isə qonaq professorların iştirakı ilə forum keçiriləcək.

Mühazirələr saat 09.00-da, forum isə 15.00-da başlayacaq.

Mühazirələrdə, eləcə də forumda iştirak ödənişsizdir. İştirak üçün aşağıdakı linkdə qeydiyyatdan keçmək lazımdır:

https://docs.google.com/forms/d/e/1FAIpQLScd9Gr0x863j8eKhnI9EaIqKePEAb0UjQ_l57vLMz-k1WpaBw/viewform?usp=sf_link

Trend-in ən mühüm və maraqlı xəbərlərini "Telegram"da izləyin


Xəbərin orijinal ünvanı: https://az.trend.az/azerbaijan/society/3043018.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
loading...

RƏYLƏR

BU KATEQORİYADAN DİGƏR XƏBƏRLƏR