SOCAR ilə İqtisadi İslahatların Təhlili və Kommunikasiya Mərkəzi anlaşma memorandumu imzalayıb

SOCAR ilə İqtisadi İslahatların Təhlili və Kommunikasiya Mərkəzi anlaşma memorandumu imzalayıb
14:52 8 Aprel 2019
Ölkə mətbuatı
A- A+

SOCAR-ın prezidenti Rövnəq Abdullayev İqtisadi İslahatların Təhlili və Kommunikasiya Mərkəzinin (İİTKM) icraçı direktoru Vüsal Qasımlının rəhbərlik etdiyi nümayəndə heyəti ilə görüşüb.

Milli.Az Trend-ə istinadən xəbər verir ki, görüşdə kiçik və orta sahibkarlığın dayanıqlı inkişafına dəstək və idxalın əvəzlənməsi istiqamətində əməkdaşlıq imkanları müzakirə olunub, yerli istehsalın təşviqi üçün yeni rəqəmsal portalın yaradılması haqqında anlaşma memorandumu imzalanıb.

Memoranduma əsasən, SOCAR-ın il ərzində istifadə etdiyi və ölkə daxilində istehsal olunması mümkün olan mal-material tələbatı və texniki avadanlıqlara göstərilən xidmət növləri haqqında məlumatların yeni rəqəmsal portalda yerləşdirilməsi nəzərdə tutulur.

SOCAR-ın prezidenti Rövnəq Abdullayev deyib ki, idxalın əvəzlənməsi və yerli istehsalın dəstəklənməsi üçün elektron portalın yaradılması Azərbaycanda kiçik və orta sahibkarlığının inkişafına töhfəsini verəcək.

Milli.Az


Xəbərin orijinal ünvanı: https://news.milli.az/economy/745252.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
loading...

RƏYLƏR

BU KATEQORİYADAN DİGƏR XƏBƏRLƏR