Kəskin duodenit - Azərbaycanda ən çox rast gəlinən xəstəlik

Kəskin duodenit - Azərbaycanda ən çox rast gəlinən xəstəlik
23:32 8 Aprel 2019
84 Ölkə
Ölkə mətbuatı
A- A+

12 barmaq bağırsağın selikli qişasının iltihabi prosesi olan kəskin duodenit Azərbaycanda demək olar ki, hər 10 xəstədən 5-də qoyulan diaqnozdur. Çox zaman mədə ağrısı ilə səhv salınır. Amma mədəsində iltihab, qastrit olan insanların çoxunda elə duodenit də aşkarlanır.

Milli.Az medicina.az-a istinadən bu xəstəliyinin səbəb və əlamətlərini təqdim edir.

Müasir insanın qidalanma tərzi, oturaq həyatı, işi duodenitin elə gənc yaşlarında yaranmasına səbəb olur. Xəstəliyin xroniki növü daha çox kişilərdə rast gəlinir. 

Xəstələr bu narahatçılıqla bağlı həkimə getmir, gec gedir, bu zaman xəstəlik daha dərin qatlara keçərək, xroniki forma alır.
Duodenitin kataral, eroziv-xora və fleqmonoz forması var. Ən yüngül forması kataraldır. Bu zaman bağırsağın hələ üst qişası zədələnir. 
Fleqmonoz formada isə artıq irinləmə prosesi gedir. 

Yaranma səbəbi:

-Alkoqol, siqaret
-Çox qızardılmış yeməklər
-Acılı, istiotlu
-Yağlı qidalar
-Stafilakokk, enterokokk infeksiyaları
-Helikobakteri pioly
-Bakterial infeksiya zamanı 12barmaq bağırsaqda bütün bakteriyalar aktiv çoxalaraq selikli qişada iltihabi ocaq yaradır. 
-Mədə, mədəaltı vəz, bağırsaqların iltihabı da duoenitə səbəb olur
-Hepatit xəstəliyi
-Allergik reaksiyalar, toksiki maddələr
-Bəzi dərmanların nəzarətsiz çox qəbulu

Əlamətləri:

-Sol tərəfdə mədə altında, qabırğaaltında kəskin, intensiv ağrı
-Xüsusən gecələr və yeməkdən sonra tutmalar
-Ara-sıra qızdırma
-Tez yorulma
-İştahsızlıq
-Ürəkbulanma
-Öd axınının pozulması
-Qarında köp, səslər, yanma hissi
-Acılı tamlı gəyirmə
-İshal, qarın ağrısı

Müalicəsi: 

Terapevt və ya qastroenteroloq tərəfindən aparılır. Düzgün olunduqda və ilkin mərhələdə 10-15 günə simptomlar itir. Xroniki forma uzun müddət vaxt aparır.

Diaqnoz üçün qan, nəcis analizi, koproqrram, rentgen, endoskopik müayinə tələb olunur. 

Duodenitdən müalicə olunmaq istəyirsizsə, xüsusi dietaya riayət etməlisiz. Mədə və 12 barmaq bağırsağın selikli qişasını qıcıqlandıra biləcək bütün qidalardan imtina etməli, xüsusi pəhriz saxlamalı, içkini tərgitməlisiz.

Milli.Az


Xəbərin orijinal ünvanı: https://news.milli.az/health/745236.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
loading...

RƏYLƏR

BU KATEQORİYADAN DİGƏR XƏBƏRLƏR