İnsult keçirmiş insanların bərpası üçün əlcək hazırlandı

İnsult keçirmiş insanların bərpası üçün əlcək hazırlandı
07:22 9 Aprel 2019
Ölkə mətbuatı
A- A+

Corciya Texnologiya İnstitutunun və Stenford Universitetinin alimləri tərəfindən hazırlanmış əlcək insult keçirmiş insanlarda əllərin işləmək qabiliyyətini bərpa etmək qabiliyyətinə malikdir.
 
Milli.Az ICTnews-a istinadən bildirir ki, alimlərin həlli vibrasiyanın təsirinə əsaslanır. Hər gün qurğu bir neçə saat ərzində pasiyentin biləyini azacıq stimullaşdırır ki, bu da sinir sonluqlarının oyanmasına, həssaslıq və hərəkətedici funksiyaların bərpasına imkan yaradır. "İdeya ondan ibarətdir ki, istifadəçilər gündəlik ev işlərini görərkən hər gün əlcəyi bir neçə saatlıq taxsınlar" - sözügedən həllin həmmüəlliflərindən biri, Corciya Texnologiya İnstitutunun tələbəsi Keytlin Seym deyib.
 
Ümumdünya Səhiyyə Təşkilatının məlumatına görə, hər il dünyada 15 milyon nəfər insult keçirir. Beyinin qan dövranının kəskin pozulması insan orqanizminə dağıdıcı təsir göstərir. İnsult keçirmiş bir çox insanlar danışmaq və sərbəst hərəkət etmək qabiliyyətini itirirlər.

Milli.Az


Xəbərin orijinal ünvanı: https://news.milli.az/interest/744788.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
loading...

RƏYLƏR

BU KATEQORİYADAN DİGƏR XƏBƏRLƏR