Paytaxta qonaq gələn 3 yaşlı qızcığazın əli ətçəkən maşının içində qalıb. Hadisə Masazır qəsəbəsi, Qaçaq Nəbi küçəsində yerləşən təzə tikilidə qeydə alınıb. Valideynlərindən xəbərsiz ətçəkən maşını elektirik cərəyanına birləşdirən 3 yaşlı Məmmədli Ballı İsmayıl qızının sağ əli maşının içində qalıb.
Uşağın əlini ətçəkən maşından ayırmaqda çətinlik çəkən yaxınları əlac axtarışına başlayıblar. Bu müddət ərzində isə 3 yaşlı Ballı ağrılardan əziyyət çəkib. Son olaraq həkimlərin köməyinə ehtiyyac duyan körpənin yaxınları onu Səhiyyə Nazirliyi Elmi - Tədqiqat Travmatologiya institutuna çatdırıblar. Həkimləri səyi nəticəsində qızcığazın əli ilişib qaldığı yerdən çıxarılıb.
Xəstəxanın reanimasiya şöbəsinə yerləşdirilən körpənin vəziyyəti kafi olaraq qalır.
Qeyd edək ki, hadisə baş verən zaman 3 yaşlı Ballı Məmmədlinin valideynləri evdə olmayıb.
