"Azərbaycan atmosferə karbon qazı tullantılarının azaldılması üzrə layihələri uğurla reallaşdırır".
Milli.Az Trend-ə istinadən xəbər verir ki, bunu ekologiya və təbii sərvətlər nazirinin müavini Rauf Hacıyev "EU4Climate" layihəsinin təqdimatı zamanı deyib.
O bildirib ki, Azərbaycan bir çox sahələrdə BMT ilə əməkdaşlıq edir, yeni layihənin məqsədi isə iqlim dəyişikliyinin yumşaldılmasıdır.
Nazir müavininin sözlərinə görə, Azərbaycan qlobal səviyyədə iqlim dəyişikliyi ilə mübarizə məqsədilə bir çox layihələrə qoşulub.
R.Hacıyev əlavə edib ki, Azərbaycan nefti ilə məşhur olsa da, son illərdə atmosferə tullantıların iki dəfə azaldılmasına nail olub.
Milli.Az
