Şotlandiya milli komandasının baş məşqçisi Aleks Makliş tutduğu vəzifədən azad olunub.
Milli.Az xəbər verir ki, bu barədə Şotlandiya Futbol Assosiasiyasının rəsmi saytı məlumat yayıb.
60 yaşlı məşqçi 2018-ci ilin fevral ayından bəri yığmaya rəhbərlik edirdi. Komanda onun rəhbərliyi altında 12 oyun keçirib ki, bunlardan da 5-də meydandan qalib, 7-də isə məğlub ayrılıb.
Qeyd edək ki, Şotlandiya Avro-2020 seçmə mərhələsində Belçika, Kipr, Rusiya, Qazaxıstan və San-Marino yığmaları ilə birlikdə "I" qrupunda mübarizə aparır.
Əliş Abdulla
Milli.Az
