"SOCAR karbamid zavodunda istehsal olunan məhsulun 95 faizini xaricə tədarük etməyi planlaşdırır".
Milli.Az Trend-ə istinadən xəbər verir ki, bunu zavodun beynəlxalq əlaqələr şöbəsinin rəhbəri Səid Hüseynov Bakıda SOCAR-ın IV beynəlxalq "Xəzər və Mərkəzi Asiya: Ticarət, Logistika, Neft emalı, Neft-kimya" forumu çərçivəsində keçirilən Xəzər və Mərkəzi Asiya Regionlarının Emal və Neft-kimya Sənayesi - Layihələr və Texniki Həllər konfransında deyib.
Onun sözlərinə görə, Azərbaycan karbamidinin əsas tədarük bazarları Türkiyə, Qərbi Avropa və Aralıq dənizi ölkələridir.
Qeyd edək ki, "SOCAR Karbamid" zavodu bu il yanvarın 16-da istifadəyə verilib. Zavod ildə 650-660 min ton karbamid məhsulu istehsal etmək niyyətindədir.
Milli.Az
