Kuzma Petrov-Vodkinanın "Yasəmən natürmortu" rəsmi Londonda yerləşən "Christie's" hərracında iyunun 3-də satışa çıxarılacaq.
Milli.Az AZƏRTAC-a istinadən bildirir ki, "Yasəmən natürmortu" ilk dəfə "Christie's"in Moskvadakı nümayəndəliyində mayın ortalarında nümayiş olunacaq.
Məlumatda bildirilir ki, hər kəs dahi rus rəssamının əsəri ilə tanış ola bilər.
Əsərin 1,4-2 milyon dollara satılması güman edilir.
Hərrac evinin mətbuat katibliyindən bildirilib ki, əsər 1932-ci ildən Rusiya pavilyonlarında sərgilənib. "Yasəmən natürmortu" italyan sənətşünası Covanni Şeyvillerin şəxsi kolleksiyasından götürülüb. Bu rəsmlə 1920-1930-cu illərdə İtaliya ilə SSRİ arasında mədəni mübadilənin tarixini izləmək olar.
"Yasəmən natürmortu" Perov-Vodkinanın şəxsi palitrasında çəkilib və rəssamın koloristika sahəsində tədqiqatlarını əks etdirir.
Milli.Az
