Xanımlar üçün göyərti maskaları

Xanımlar üçün göyərti maskaları
23:05 27 Aprel 2019
Ölkə mətbuatı
A- A+

Ən xeyirli, insan orqaniziminə lazım olan, onsuz heç nəyi təsəvvür etmədiyimiz göyərti... Göyərtidən mətbəxdə, kosmetologiyada, xalq təbabətində geniş istifadə olunur. Yemək hazırladıqdan sonra əlinizin altında qalan nanə, cəfəri, kəklikotu, razyana, reyhan, gicitkən, yarpız, rozmarin qalıbsa atmayın, onlardan növbənöv maskalar və xalq təbabətinə uyğun olaraq dərmanlar kimi istifadə etmək olar. Öz dərdimizə özümüz çarə tapaq və təbii ki həkim məsləhətindən sonra... Adi sandığımız göyərti belə bizə ziyan verə bilər.

Cəfəri

Milli.Az gencaile.az-a istinadən bildirir ki, bu göyərti dərini ağardır və qidalandırır. Cəfərinin faydalarından sonsuz danışmaq olar, amma ən vacibi tərkibində B1, B2, C, PP, E vitaminləri, fol turşusu, flavanoidlər, efir yağları, dərinin imunitetnii möhkəmləndirən polisaxaridlər, dəmir, kalium, maqnezium, fosfor mövcuddur. Daxilindəki C vitamini limonda və qarağatda olan vitamindən daha çox miqdardadır. Bundan əlavə cəfəridə saysız-hesabsız təbii antibiotiklər var.

Cəfəridən göz altı üçün maska

Bizə lazımdır: 4 yarpaq cəfəri, 20 q kərə yağı.

Cəfərini doğrayın, üzərinə yumşaldılmış kərə yağı əlavə edin və blendrdən keçirin.

Maskanı göz ətrafına çəkin, 15 dəqiqə saxladıqdan sonra ilıq su ilə yuyun.

Kəklikotu

Kəklikotu yunan dilindən tərcümədə "həyatın nəfəsi" deməkdi. Çünki bu ətirli ot C vitamini ilə, mineral maddələr, üzvü turşular, flavonoidlər və timol ilə zəngindir. Kəklikotu həlimi demək olar ki, bizə bütün xəstəliklərdə kömək edir. Saçlara və dəriyə çəkmək üçün kəklikotunun efir yağı sizə kömək edər. İstifadə etdiyiniz şampunun hər 10 qramına 3 damcı kəklikotu yağından əlavə etsəniz, saçlar möhkəmlənər və inkişaf edər. Dəridə əmələ gələn civzə və səpkilərdən azad olmaq üçün üz kreminizə bir necə damcı əlavə edin. Dırnaqları möhkəmləndirmək üçün ilıq suya duz və 5 damcı yağ əlavə edib əllərinizi bu suda saxlayın və 20 dəqiqə sonra yaxalayın.

Təravətləndirici kəklikotu maskası

Lazım olanlar: 2 ç.q yaşıl çay, 2 ç.q kəklikotu, 2 ç.q yulaf yarması, 2 ç.q bal, 2 ç.q qatıq.

Bütün bunların hamısını blendrdən keçiririk və üzümüzə çəkirik, 20 dəqiqə gözləyirik, sonra mineral su ilə yuyuruq.

Nanə

Nanə yarpaqlarının daxilindəki mentol dəridəki canlandırır, qan dövranını təmizləyir, məsaməli boruları gücləndirir. Mentol dəridə olan toksinləri çıxarır, piy vəzilərinin funksiyasını stabilləşdirir. Nanə cövhərindən hazırlanan yaş sarğılar dəridə əmələ gələn qıcıqlanmanı aradan götürür. Nanə yarpaqlarının üzərinə qaynar su əlavə edib, 30 dəqiqə saxlayın. Daha sonra tənzifi bu məhlulda isladıb üzünüzə astaca qoyun, 15 dəqiqədən sonra üzünüzü yuyun. Nanə şirəsindən bir müddət içilərsə (hər dəfə 15 qram) tərləmənin qarşısı alınar, eşitmə qabiliyyəti yaxşılaşar. Diş ağrıyan zaman nanə çeynədikdə ağrı kəsilər.

Nanəli tonik

Lazım olanlar: 3 xörək qaşığı quru nanə, 1 xörək qaşığı qliserin.

Qurudulmuş nanənin üzərinə 1.5 stəkan qaynar su töküb 2 gün soyuducuda saxlayın. Məhlulu süzün və üzərinə qliserin əlavə edib üz üçün tonik kimi istifadə edin.

Milli.Az


Xəbərin orijinal ünvanı: https://news.milli.az/interest/750209.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR