Beynəlxalq "Əl Qaida" terror təşkilatının Yəməndəki bölməsi olan "Ərəbistan yarımadasında Əl Qaida" (Al-Qaeda in the Arabian Peninsula, AQAP) terror qruplaşması Parisdəki "Charlie Hebdo" satirik jurnalına hücumun təşkilatçısı olduğunu bəyan edib.
AQAP lideri Nəsr əl Ənsinin videomüraciətində də bu fakt təsdiqlənib.
Milli.Az bildirir ki, "Charlie Hebdo" jurnalına hücum edən Şərif və Səid Kuaşi qardaşlarını "İslam mücahidləri, qəhrəmanlar" adlandırıb: "Onlar Hz.Məhəmmədi aşağılamağa çalışanları cəzalandırdılar. Fransa şeytana satılmış ölkədir. Bu ölkədə hadisələr indiki kimi davam edərsə, qisas və intiqam aktları yenə davam edə bilər. İslamı təhqir edənlərin qətlinə biz fərman verdik və bunu söyləyirəm".
Milli.Az