Azərbaycan "Arabian Travel Market 2019" turizm sərgisində təmsil olunur

Azərbaycan "Arabian Travel Market 2019" turizm sərgisində təmsil olunur
18:02 28 Aprel 2019
106 Digər
Ölkə mətbuatı
A- A+

Dövlət Turizm Agentliyi və Azərbaycan Turizm Bürosunun təşkilatçılığı ilə turizm şirkətləri və hotellərin nümayəndələrindən ibarət Azərbaycan nümayəndə heyəti Dubayda keçirilən “ATM 2019” (Arabian Travel Market 2019) beynəlxalq turizm sərgisində iştirak edir.
"Report" xəbər verir ki, 28 aprel tarixindən start götürən sərgi mayın 1-dək davam edəcək.
Sərgidə Azərbaycan yeni brendə uyğun dizayn edilmiş 190 kv. metrlik stendlə təmsil olunur. Müxtəlif turizm şirkətləri, hotellərlə yanaşı Azərbaycan Hava Yolları və Heydər Əliyev Hava Limanı da sərginin 28 iştirakçısı sırasındadır. 29 mayda Bakıda keçiriləcək UEFA-nın Avropa Liqasının final oyununun təbliğatı məqsədilə sərgidə AFFA-nın nümayəndələri də iştirak edir.
Azərbaycan nümayəndə heyətinə rəhbərlik edən Azərbaycan Turizm Bürosunun baş icraçı direktoru Florian Zenqstşmid bildirib ki, Yaxın Şərq bazarı Azərbaycan üçün xüsusi önəm daşıyır. O qeyd edib ki, Dubay sərgisi Yaxın Şərq bazarının əsas iştirakçıları ilə əlaqələrin möhkəmləndirilməsi, ərəb turistlərin cəlb edilməsi baxımından əhəmiyyətlidir. Azərbaycanın bu bazara diqqət yetirdiyini vurğulayan F.Zenqstşmid ötən ildən etibarən regionda 2 rəsmi turizm nümayəndəliyimizin fəaliyyətə başladığını bildirib.







Xəbərin orijinal ünvanı: https://report.az/turizm/azerbaycan-arabian-travel-market-turizm-sergisinde-temsil-olunur

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR