Rusiya ilk beşliyə düşmədi, Türkiyə... - Dünyanın hərbi xərcləri barədə ŞOK STATİSTİKA

Rusiya ilk beşliyə düşmədi, Türkiyə... - Dünyanın hərbi xərcləri barədə ŞOK STATİSTİKA
08:13 29 Aprel 2019
117 Digər
Ölkə mətbuatı
A- A+

2018-ci ildə dünyada hərbi xərcləri 1,8 trilyon dollar təşkil edib və bu, əvvəlki ilin göstəricisindən 2,6 faiz çoxdur.

Publika.az xəbər verir ki, bu haqda Stokholm Beynəlxalq Sülh Problemləri Tədqiqatları İnstitutu (SİPRİ) illik məruzəsində deyilir.

Tədqiqatın məlumatına görə, 2018-ci ildə dünyanın hərbi xərcləri 1988-ci ildən yüksək səviyyəyə çatıb. SİPRİ-nin hesablamalarına görə, hərbi xərclər bütovlükdə ümumdünya ümumi daxili məhsulun 2,1 faizindən çoxunu təşkil edib. Bu, orta hesabla adambaşı 239 dollara ekvivalentdir.

Dünyada ən böyük hərbi xərcləri olan ilk beşliyə ABŞ, Çin, Səudiyyə Ərəbistanı, HindistanFransa girib. Onların payına dünyanın hərbi xərclərinin 60 faizi düşür. Beləliklə, Rusiya ilk beşlikdəki yerini itirərək 6-və yerdə qərarlaşıb. SİPRİ-nin məlumatına görə, 2018-ci ildə Rusiyanın hərbi xərcləri 61,4 milyard dollar təşkil edib. Bu, 2017-ci ildən 3,5 faiz daha azdır.

ABŞ-ın hərbi xərcləri 2010-cu ildən ilk dəfə 4,6 faiz artıb və 649 milyard dollar təşkil edib. 2018-ci ildə ABŞ-ın hərbi xərcləri onu izləyən təxminən səkkiz ölkənin hərbi xərclərinin cəminə bərabərdir.

İkinci yeri tutmuş Çinin dünya hərbi xərclərində payı 14 faiz təşkil edib. İlk 15-likdə yer alan Türkiyə ən yüksək artımla (24 faiz) diqqət çəkir.

Məruzədə həmçinin qeyd edilir ki, hərbi xərclərin artması 2018-ci ildə Mərkəzi və Şərqi Avropa ölkələrində müşahidə olunur.

Polşanın xərcləri 8,9 faiz artaraq 11,6 milyard dollar təşkil edib. Ukraynanın xərcləri 21 faiz artımla 4,8 milyard dollar olub. Bolqarıstan, Latviya, LitvaRumıniyanın xərcləri həmçinin 2018-ci ildə 18-24 faiz artıb”, - sənəddə qeyd edilir.

SİPRİ-nin silahlanmalar və hərbi xərclər üzrə proqramının böyük eimi işçisi Piter Vezemanın sözlərinə görə, xərclərin belə artması Rusiya tərəfindən təhdidlərin artması ilə bağlıdır.


Xəbərin orijinal ünvanı: https://publika.az/news/avropa/277071.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR