Bəzi təqaüd və müavinətlər nə üçün artımla verilmədi? - RƏSMİ AÇIQLAMA

Bəzi təqaüd və müavinətlər nə üçün artımla verilmədi? - RƏSMİ AÇIQLAMA
14:53 29 Aprel 2019
108 Ölkə
Ölkə mətbuatı
A- A+

Əmək və Əhalinin Sosial Müdafiəsi Nazirliyi bəzi sosial müavinət və pensiyaların aprel ayında artımla verilməməsinə aydınlıq gətirib.

Nazirliyin İctimaiyyətlə əlaqələr söbəsinin müdiri Fazil Talıbov Publika.az-a açıqlamasında bu istiqamətdə normativ qaydalar layihəsinin hazırlandığını deyib:

“Prezident cənab İlham Əliyevin Fərmanları ilə aprelin 1-dən sosial müavinət və təqaüdlər artırılmaqla, Prezidentin yeni aylıq təqaüdləri təsis olunub. Artıq aprel ayı üzrə sosial müavinət və təqaüdlər artırılmış məbləğlərdə ödənilib.

Eyni zamanda, sosial müavinət alan müharibə veteranlarına yeni təsis olunmuş aylıq təqaüd (80 manat) da verilib.
Əmək pensiyası alan I dərəcə əlilliyi olan şəxslər üçün 100 manat, onlara və həmçinin sağlamlıq imkanları məhdud uşaqlara qulluq edənlər üçün aylıq 50 manat, əmək pensiyası alan müharibə veteranları üçün aylıq 80 manat yeni təqaüdlərin verilməsi üçün isə normativ qaydaların layihəsi hazırlanaraq artıq təqdim edilib.

Qaydalar təsdiq edildikdən sonra həmin vətəndaşlardan sənədlər qəbul olunmaqla, onlara yeni təqaüdlərin təyin olunaraq gələn ayın sosial müavinət və ya pensiyaları ilə birgə verilməsi (aprel ayının da təqaüdü daxil olmaqla) təmin ediləcək”.


Xəbərin orijinal ünvanı: https://publika.az/news/sosial/277123.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR