ABŞ-da avtomobi istehsal şirkəti olan "Chevrolet" "SUV Trax" modelinə məxsus 113 min vasitəni geri çağırıb.
Milli.Az chip.az-a istinadən bildirir ki, şirkət vasitənin sistemində qəza riskini artıracaq qüsurun aradan qaldırmaq məqsədi ilə geri çağırım etdiklərini bildirib.
Təhlükəsizlik problemi avtomobillərdə dizayn və performansla yanaşı mühüm olan məsələlərdən biridir. Dizayn mərhələsindəki yol verilən hər hansısa səhvin nəqliyyat vastəsinin istifadəsi zamanı təhlükəsizliyi riskə atması bir çox istehsalçının qarşılaşdığı problemdir. Bu proses "Chevrolet" şirkətinə məxsus "SUV Trax" modelində də müşahidə olunub.
1 İyul 2017 və 4 Aprel 2019 tarixləri arasında istehsal edilən "Trax"ın sistemlərində aşkarlanan problem şirkəti böyük bir geri çağırış etməyə vadar etdi. Vasitələrin alt kontrol hissəsinin quraşdırılmasında yanlışlığa yol verilməsi həmin hissənin zamanla zəif işləyərək qəzalara gətirib çıxaracağı bildirilib. Şirkət bu kimi hadisələrin baş verməməsi üçün geri çağırım edərək problemin həll olunmasına çalışır.
Milli.Az
