İinsan orqanlarının bioçapında İNQİLABİ İRƏLİLƏYİŞ

İinsan orqanlarının bioçapında İNQİLABİ İRƏLİLƏYİŞ
19:14 6 May 2019
83 Digər
Ölkə mətbuatı
A- A+

ABŞ-ın Rays Universitetinin biomühəndisləri toxumaların bioçapında inqilabi irəliləyişə nail olublar. Belə ki, alimlər təbii qan damarlarını, limfa və digər həyati əhəmiyyətli mayeləri imitasiya edən dolaşıq damar şəbəkələri yaradıblar.
 
Lent.az "ictnews"a istinadən xəbər verir ki, tədqiqat zamanı biomühəndislər tənəffüs yolları qan damarlarına oksigen çatdıran ağciyəri imitasiya edən hava kisəsinin hidrogel modelini hazırlayıblar. Bundan başqa, tədqiqatçılar qaraciyər toxumasının istifadə edildiyi bioçap konstruksiyalarının implantasiya olunduğu siçanlar üzərində eksperiment aparıblar. Tədqiqatçılar qeyd edib ki, işlək toxuma əvəzedicilərinin yaradılmasında ən böyük maneələrdən biri mürəkkəb orqanizm daxilində qida maddələrinin ötürülməsi üçün xidmət edən damar şəbəkəsini çap etməyin qeyri-mümkünlüyü olub.
 
Universitet əməkdaşlarının sözlərinə görə, onlar tərəfindən hazırlanan orqanların tərkibində müstəqil damar şəbəkələri – ağciyərdə və öd yollarında qan damarları və qaraciyərdə qan damarları var. Bu şəbəkələr həm fiziki, həm də biokimyəvi baxımdan dolaşıqdır, onların arxitekturası isə toxuma funksiyası ilə bağlıdır.
 
Biomühəndislər qrupunun məqsədi xəstənin hüceyrələrindən istifadə etməklə sağlam və funksional orqanlar üçün bioçap imkanının yaradılmasıdır. Nəticədə onların köçürülməsi zamanı insanda qopma halları olmayacaq. Həmçinin bu, donorlara ehtiyacı aradan qaldıracaq.

Xəbərin orijinal ünvanı: http://news.lent.az/news/313701

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR