Mövsümün sonunda İtaliya A Seriyasını tərk edəcək ikinci klub məlum olub.
Milli.Az qol.az-a istinadən xəbər verir ki, 35-ci turda "Sassuolo" ilə 2:2 heç-heçə edən "Frozinone"nin elitanı tərk edəcəyi dəqiqləşib. Sona 3 tur qalmış 20 iştirakçı arasında 24 xalla 19-cu sırada qərarlaşmış komandanın yüksək liqada qalmaq şansı tükənib.
"Frozinone" növbəti mövsümdə İtaliya B Seriyasında çıxış edəcək.
Qeyd edək ki, daha əvvəl "Kyevo"nun da A Seriyasını tərk edəcəyi bəlli olub.
Milli.Az