Sumqayıtda bir nəfər qeyri-rəsmi yaşadığı qadını bıçaqlayaraq öldürüb

Sumqayıtda bir nəfər qeyri-rəsmi yaşadığı qadını bıçaqlayaraq öldürüb.

Metbuat.az-a daxil olan məlumata görə, hadisə mayın 3-də 17:00 radələrində Sumqayıt şəhəri, Nərimanov küçəsi, Mərkəzi bazar ərazisindəki eynək satılan dükanların birində baş verib. Abdullayev Seymur Zərablı oğlu şəxsi münasibətlər zəminində qeyri-rəsmi yaşadığı Əmənova Gülnar Şaməddin qızına bıçaqla çoxsaylı xəsarətlər yetirib, lakin Gülnar Əmənova vaxtında xəstəxanaya çatdırılmaqla həyatı xilas edildiyindən, o cinayət əməlini başa çatdıra bilməyib.

Faktla bağlı Sumqayıt şəhər prokurorluğunda 3 may 2019-cu il tarixli qərarla Azərbaycan Respublikası CM-nin 29, 120.1-ci maddəsi ilə cinayət işi başlanılıb.

Əmənova Gülnar Şaməddin qızı Sumqayıt şəhər TTYX-da göstərilən tibbi tədbirlərə baxmayaraq, 14.05.2019-cu il tarixdə aldığı xəsarətlər nəticəsində öldüyündən Abdullayev Seymur Zərbalı oğlunun əməli Azərbaycan Respublikası CM-nin 29, 120.1-ci maddəsindən həmin Məcəllənin 120.1-ci maddəsinə tövsif olunub.

Aysel Yaqubqızı / Metbuat.az

Avtomobil yandı - Bakıda


Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR