​Milan Politexnik Universitetinin müəllimləriAzMİU tələbələri üçün vorkşop təşkil ediblər - FOTOLAR

İtaliyanın Milan Politexnik Universiteti ilə Azərbaycan Memarlıq və İnşaat Universiteti (AzMİU) arasında 2018-ci ildə imzalanmış Anlaşma Memorandumunda nəzərdə tutulan əməkdaşlıq çərçivəsində AzMİU-nun nəzdində yaradılmış İtaliya – Azərbaycan Dizayn Mərkəzinin açılış mərasimi, işgüzar görüşlərin və vorkşopun keçirilməsi ilə əlaqədar Milan Politexnik Universitetinin nümayəndə heyəti universitetin qonağı olub.

Metbuat.az xəbər verir ki, əməkdaşlığın nəticəsi olaraq 13 və 17 may tarixlərində AzMİU-da vorkşop təşkil olunub.Vorkşop Milan Politexnik Universitetinin müəllimləri -professor Mauro Ceconello və dosent Silvia Gramegna tərəfindən aparılıb. Memarlıq fakültəsində keçirilən və “İtaliya-Azərbaycan Dizayn Mərkəzinin identikliyi”mövzusuna həsr olunan vorkşop sərgi qurğuları və naviqasiya işarələri sisteminin inkişaf etdirilməsi üçün nəzərdə tutulub.

Vorkşopun ilk günü Milan Politexnik Universitetinin dosenti Silvia Gramegna “İtaliya-Azərbaycan Dizayn Mərkəzinin identikliyi” mövzusunda tələbələrə mühazirə deyib. Prezentasiya ilə təqdim olunan mühazirədən sonra tələbələrə tapşırıqlar verilib, onlar verilən tapşırıqlara uyğun olaraq işəbaşlayıblar.

İnteryer dizayn və qrafik dizayn ixtisasında təhsil alan 25tələbənin qatıldığı vorkşopda tələbələr İtaliyalı müəllimlərlə ünsiyyətdə olur, layihənin işlənməsi ilə bağlı faydalı məsləhətlər alırlar. Dizayn kafedrasının müəllim heyətininiştirakı ilə keçən vorkşopda gənc dizaynerlər 4-5 nəfərlik qruplara bölünüb, texniki eskizlər, moodboard, colorboard, materialboard şəklində, müstəqil elementlərdən olan bir sərgi sistemi üçün konsepsiyanı, həmçinin Dizayn Mərkəzinin vizual kommunikasiya sistemini (loqotip, rəng sxemi, naviqasiya işarələri sisteminin məkan proqramında tətbiqi) əhatə edən təklifi müəyyənləşdirməlidirlər. Tələbələr vorkşopda qrup şəklində işlədikləri ideyaları layihə formasında təqdim edirlər. Qeyd edək ki, vorkşopun məqsədi Dizayn Mərkəzinin interyerlərinə və vizual kommunikasiyaya dair araşdırma və yeni həllər təklif etməkdir.


Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR